ନିଳାମ୍ବର ପାଣିଙ୍କ ଗୋଟିଏ ପରେ ଗୋଟିଏ କଳା କାରନାମା ପଦାକୁ ଆସୁଛି । ଲୋକଙ୍କୁ ବିଭ୍ରାନ୍ତ କରିବା ପାଇଁ ସୋସିଆଲ ମିଡିଆକୁ ଅସ୍ତ୍ର ଭାବେ ବ୍ୟବହାର କରି ବିଭିନ୍ନ ଭିଡିଓ ପୋଷ୍ଟ କରୁଥିଲା । ମହିଳା ଓ କଲେଜ ଛାତ୍ରୀଙ୍କୁ ଟାର୍ଗେଟ କରି ଲକ୍ଷ ଲକ୍ଷ ଟଙ୍କା ଲୁଟି ନେଇଥିବା ଚର୍ଚ୍ଚା ଜୋର ଧରିଛି ।
ଜଣେ ମହିଳାଙ୍କୁ ଲବଙ୍ଗ ଦେଇ ଦୁଷ୍କର୍ମ ଉଦ୍ୟମ କରିବା ନେଇ ନୟାପଲ୍ଲୀ ଥାନାରେ ଅଭିଯୋଗ ଆସିବା ପରେ, ଏହି ଠକ ଜ୍ୟୋତିଷର କଳା କାରନାମା ସାମ୍ନାକୁ ଆସିଥିଲା
ଏହି ଠକ ଏତେ ମାରାତ୍ମକ ଯେ, ଯାହାକୁ ଥରେ ଟାର୍ଗେଟ କରେ ତାକୁ ତଳିତଳାନ୍ତ ନକଲା ଯାଏଁ ଶାନ୍ତିରେ ରହି ପାରେନି । ପାରିବାରିକ ସମସ୍ୟା, ବିବାହ ଓ ପ୍ରେମରେ ବିଚ୍ଛେଦ, ମାନସିକ ଅବସାଦ, ପାଠ ପଢାରେ ଦୁର୍ବଳ, ଗ୍ରହ ଶାନ୍ତି, ବାସ୍ତୁ ଦୋଷ ସବୁ କିଛିର ସମାଧାନ ବାଟ ବତାଏ ଏହି ଧୃତ ଠକ । ସବୁ ପ୍ରକାରର ବିଦ୍ୟାରେ ପାରଦର୍ଶୀତା ଲାଭ କଲା ଭଳି ଲମ୍ବା ଲମ୍ବା ଭାଷଣ ବାଜି କରିବା ସହ ବଡ ବଡ ସମସ୍ୟା ଗୁଡିକୁ ଲବଙ୍ଗ ସାହାଯ୍ୟରେ ସମାଧାନ କରୁଥିଲା
