ରାଉରକେଲାର ବିଶ୍ରା ଥାନା ଅନ୍ତର୍ଗତ ତେତେରକେଲାରେ ଭୋଜିରେ ଫୁଟିଥିଲା ଗୁଳି। ବଡ଼ ଭାଇର ଗୁଳିମାଡ଼ରେ ପ୍ରାଣ ହରାଇଥିଲେ ସାନ ଭାଇ। ମୃତ ଯୁବକଙ୍କ ନା କ୍ଷୀରଧର ସିଂ। ଅଭିଯୁକ୍ତ ତଥା ତାଙ୍କ ବଡ଼ ଭାଇଙ୍କ ନାଁ ଉମେଶ ସିଂ। ତାଙ୍କୁ ପୁଲିସ୍ ଅଟକ ରଖି ପଚରାଉଚରା କରୁଛି।
ଉମେଶ ବନ୍ଧୁକ କେଉଁଠାରୁ ଆଣିଲେ, ସେ ନେଇ ବି ପ୍ରଶ୍ନ ସୃଷ୍ଟି ହୋଇଛି। ବିଶ୍ରା ଥାନା ଅଞ୍ଚଳ ଝାଡ଼ଖଣ୍ଡ ସୀମାକୁ ଲାଗିଥିବା ବେଳେ ଉମେଶ ସେଠାରୁ ବନ୍ଧୁକ ଆଣିଥାଇ ପାରନ୍ତି ବୋଲି କୁହାଯାଉଛି। ପୁଲିସ୍ ସେ ଦିଗରେ ମଧ୍ୟ ତଦନ୍ତ କରୁଥିବା ଜଣାପଡ଼ିଛି।
ତେତେରକେଲା ଘାଟରେ ଆୟୋଜିତ ଭୋଜିରେ ଘଟିଥିଲା ଏହି ଘଟଣା। ଉମେଶ କାହିଁକି ତାଙ୍କ ଭାଇଙ୍କୁ ଗୁଳି କଲେ, ତାହା ସ୍ପଷ୍ଟ ହୋଇପାରିନାହିଁ। ତେବେ ସାନଭାଇ ଉପରକୁ ଗୁଳି କଲା ବେଳେ ସେ ନିଶାସକ୍ତ ଅବସ୍ଥାରେ ଥିଲେ ବୋଲି ସୂଚନା ମିଳିଛି।
