ଶେଷରେ ଠାକୁରଙ୍କୁ ବି ଛାଡିଲେନି ଚୋର। ମନ୍ଦିରରୁ ଉଠାଇ ଆଣି ନଦୀ ବନ୍ଧ ରେ ଫୋପାଡ଼ିଲେ। ପୁରୀ ଜିଲ୍ଲା ପିପିଲି ବ୍ଲକ ଗୋବର୍ଦ୍ଧନପୁର ଦୟା ନଦୀବନ୍ଧରେ ଚୋରି କରି ଆଣିଥିବା ଶିବ ପାର୍ବତୀଙ୍କ ପୁରୁଣା ମୂର୍ତ୍ତି ରଖି ଚୋର ପଳାଇଲେ। ଜରି ଅଖାରେ ବନ୍ଧା ହୋଇଥିବା ଅବସ୍ଥାରେ ଶିବ ପାର୍ବତୀଙ୍କ ମୂର୍ତ୍ତିକୁ ସ୍ଥାନୀୟ ଲୋକ ଉଦ୍ଧାର କରିଛନ୍ତି। ଘଟଣାସ୍ଥଳରେ ଦେଖଣାହାରୀଙ୍କ ଭିଡ଼ ଦେଖିବାକୁ ମିଳିଛି। ଏପଟେ ଘଟଣା ବିଷୟରେ ପିପିଲି ପୁଲିସ ସୂଚନା ପାଇ ତଦନ୍ତ ଆରମ୍ଭ କରୁଛି।
ସୂଚନା ଅନୁସାରେ ସ୍ଥାନୀୟ ଅଞ୍ଚଳର କିଛି ଲୋକ ଶୌଚ ହେବା ପାଇଁ ନଦୀବନ୍ଧକୁ ଯାଇଥିବା ବେଳେ ଏକ ଅଖାରେ ବନ୍ଧା ହୋଇଥିବା ଏହି ମୂର୍ତ୍ତିକୁ ସେମାନେ ଦେଖିଥିଲେ। ଅନୁମାନ କରାଯାଉଛି କି ଚୋରି କରି ଆଣି ନେଉଥିବା ସମୟରେ କୌଣସି କାରଣରୁ ଚୋରମାନେ ମୂର୍ତ୍ତିକୁ ଛାଡି ପଳାଇଛନ୍ତି। ମୂର୍ତ୍ତି ବହୁତ ବର୍ଷ ପୁରୁଣା ବୋଲି ଅନୁମାନ କରାଯାଉଛି।
