ରଣଦୀପ ହୁଡା ବଲିଉଡର ସର୍ବୋତ୍ତମ ଅଭିନେତା। ସେ ତାଙ୍କ ଚଳଚ୍ଚିତ୍ର ଏବଂ ଉତ୍କୃଷ୍ଟ ଅଭିନୟ ପାଇଁ ଫିଲ୍ମ ଇଣ୍ଡଷ୍ଟ୍ରିରେ ଜଣାଶୁଣା। ଏହା ସହିତ ରଣଦୀପ ତାଙ୍କ ବିବାହ ଖବର ପାଇଁ ଦୀର୍ଘ ସମୟ ଧରି ଚର୍ଚ୍ଚରେ ରହିଛନ୍ତି। ଦୀର୍ଘ ଦିନ ଧରି ଲିନ ଲଶରମ୍ଙ୍କୁ ଡେଟ କରୁଥିଲେ । ବର୍ତ୍ତମାନ ରଣଦୀପ ଏବଂ ଲିନ ବିବାହ କରିବାକୁ ଯାଉଛନ୍ତି।
ରଣଦୀପ ହୁଡା ତାଙ୍କ ସୋସିଆଲ ମିଡିଆ ଆକାଉଣ୍ଟ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ସେ ତାଙ୍କ ବିବାହର ତାରିଖ ପ୍ରକାଶ କରିଛନ୍ତି। ସେ ପୋଷ୍ଟ କରି କହିଛନ୍ତି ଯେ ସେ ମଣିପୁରରେ ତାଙ୍କର ଲଙ୍ଗ୍ ଟାଇମ୍ ଗର୍ଲଫ୍ରେଣ୍ଡ ଲିନଙ୍କୁ ବିବାହ କରିବାକୁ ଯାଉଛନ୍ତି। ଅଭିନେତା ଏକ ଫଟୋ ସେୟାର କରିଛନ୍ତି। ଯେଉଁଥିରେ ବିବାହ ସମ୍ବନ୍ଧୀୟ ସମସ୍ତ ତଥ୍ୟ ମଧ୍ୟରେ ଦେଇଛନ୍ତି।
ଅଭିନେତାଙ୍କ ଦ୍ଵାରା ସେୟାର ହୋଇଥିବା ଚିଠିରେ ଲେଖା ଅଛି – ଭାଗ୍ୟ ସହିତ ଏକ ତାରିଖ ୨୯.୧୧. ୨୦୨୩ ମହାଭାରତରୁ ଏକ ପୃଷ୍ଠା ନେଇ ଯେଉଁଠାରେ ଅର୍ଜୁନ ମଣିପୁରୀ ଯୋଦ୍ଧା ରାଜକୁମାରୀ ଚିତ୍ରାଙ୍ଗଦାଙ୍କୁ ବିବାହ କରିଥିଲେ, ଆମେ ଆମ ପରିବାର ଏବଂ ବନ୍ଧୁମାନଙ୍କ ଆଶୀର୍ବାଦରେ ବିବାହ କରୁଛୁ । ଆମେ ଏହା ଘୋଷଣା କରି ଅତ୍ୟନ୍ତ ଆନନ୍ଦିତ ଯେ ଆମର ବିବାହ ୨୯ନଭେମ୍ବର ୨୦୨୩ ରେ ମଣିପୁରର ଇମ୍ଫାଲରେ ଏବଂ ପରେ ମୁମ୍ବାଇରେ ଏକ ରିସେପ୍ସନ୍ ହେବ। ବର୍ତ୍ତମାନ ଆମେ ଏହି ଯାତ୍ରା ଆରମ୍ଭ କରିବାକୁ ପ୍ରସ୍ତୁତ ହେଉଛୁ।
ଏଥିସହିତ ଅଭିନେତାଙ୍କ ଏହି ପୋଷ୍ଟ ପରେ ତାଙ୍କ ପ୍ରଶଂସକମାନେ ତାଙ୍କୁ ଅଶେଷ ଅଭିନନ୍ଦନ ଜଣାଇଥିବାର ନଜର ଆସିଥିଲେ। ଜଣେ ୟୁଜର୍ସ ଲେଖିଛନ୍ତି- ଅଭିନନ୍ଦନ, ଫଟୋ ଗୁଡିକ ପାଇଁ ଅପେକ୍ଷା କରିପାରିବି ନାହିଁ । ଆଗାମୀ ଜୀବନ ପ୍ରେମ ଏବଂ ଆଲୋକରେ ପରିପୂର୍ଣ୍ଣ ହେବ । ସେହି ସମୟରେ, ଅନ୍ୟ ଜଣେ ୟୁଜର୍ସ ଲେଖିଥିଲେ – ଅଭିନନ୍ଦନ ବସ୍। ଏଥି ସହିତ ଅଭିନେତା ଦର୍ଶନ କୁମାର ମଧ୍ୟ ରଣଦୀପ ଏବଂ ଲିନଙ୍କୁ ଅଭିନନ୍ଦନ ଜଣାଇଛନ୍ତି।
