ନୂଆଦିଲ୍ଲୀ: ପଶ୍ଚିମବଙ୍ଗରେ ବିଧାନସଭା ନିର୍ବାଚନକୁ ନେଇ ରାଜନୈତିକ ହିଂସା ଜାରି ରହିଛି। ଆଜି ରାଜ୍ୟର ସବୁଠୁ ଚର୍ଚ୍ଚିତ ଆସନ ନନ୍ଦିଗ୍ରାମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନିର୍ବାଚନ ରାଲିରେ ଆକ୍ରମଣ ହୋଇଛି। ତୃଣମୂଳ କଂଗ୍ରେସର କର୍ମକର୍ତ୍ତା ଏହି ଆକ୍ରମଣ କରିଥିବା ଅଭିଯୋଗ ହୋଇଛି। ଏହି ଆକ୍ରମଣରେ ବିଜେପିର ଜଣେ କର୍ମକର୍ତ୍ତା ଗୁରୁତର ଆହତ ହୋଇଛନ୍ତି। ସୂଚନା ମୁତାବକ, ନନ୍ଦିଗ୍ରାମ-୧ ଦକ୍ଷିଣ ମଣ୍ଡଳର ଯୁବ ମୋର୍ଚ୍ଚା ଅଧ୍ୟକ୍ଷ ପୁରନ୍ ଚନ୍ଦ୍ର ପାତ୍ରଙ୍କର ମୁଣ୍ଡ ଫାଟିଯାଇଛି। ସେ ନନ୍ଦିଗ୍ରାମର ସୋନଚୁରାରେ ଆୟୋଜିତ ହୋଇଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନିର୍ବାଚନ ସାଧାରଣ ସଭାରେ ସାମିଲ ହୋଇଥିଲେ। ଆହତ କର୍ମକର୍ତ୍ତାଙ୍କୁ ଧର୍ମେନ୍ଦ୍ର ଡାକ୍ତରଖାନାରେ ଭର୍ତ୍ତି କରାଇଛନ୍ତି। ଏହାପରେ ଧର୍ମେନ୍ଦ୍ର ପ୍ରଧାନ ଅର୍ଦ୍ଧ ସାମରିକ ବଳର ସଂଖ୍ୟା ବୃଦ୍ଧି କରି ନିରପେକ୍ଷ ନିର୍ବାଚନ କରିବା ପାଇଁ ଦାବି କରିଛନ୍ତି। ଅର୍ଜୁନ ବାରାକପୁରରୁ ବିଜେପି ସାଂସଦ ରହିଛନ୍ତି। ଏହି ଘଟଣା ତାଙ୍କ ଘର ନିକଟ ୧୮ ନମ୍ବର ଗଳିରେ ଘଟିଛି। ପ୍ରାୟ ୧୫ଟି ସ୍ଥାନରେ ବୋମାମାଡ଼ କରାଯାଇଥିବା ଅର୍ଜୁନ କହିଛନ୍ତି। ଏପରି କି ଆଇନଶୃଙ୍ଖଳା ପରିସ୍ଥିତି ଉପରେ ନଜର ରଖିବା ଲାଗି ପୁଲିସ ପକ୍ଷରୁ ସ୍ଥାନୀୟ ଅଞ୍ଚଳରେ ଲଗାଯାଇଥିବା ସିସିଟିଭି କ୍ୟାମେରାଗୁଡ଼ିକୁ ୩ ଜଣ ବ୍ୟକ୍ତି ଏବଂ ସେମାନଙ୍କ ସହଯୋଗୀମାନେ ଭଙ୍ଗାରୁଜା କରିଛନ୍ତି। ଅନ୍ୟପଟେ ଏହି ଘଟଣା ସମ୍ପର୍କରେ ନିର୍ବାଚନ ଆୟୋଗଙ୍କ ନିକଟରେ ଅଭିଯୋଗ କରାଯିବ ବୋଲି ବିଜେପି ନେତା ମୁକୁଳ ରୟ କହିଛନ୍ତି। ବୋମାମାଡ଼କୁ ନେଇ ବିଜେପିର ବରିଷ୍ଠ ନେତା ତଥା ରାଜ୍ୟ ପ୍ରଭାରୀ କୈଳାସ ବିଜୟବର୍ଗୀୟ ଟିଏମସି ବିରୋଧରେ ଅଭିଯୋଗ ଆଣିଛନ୍ତି। ସେ କହିଛନ୍ତି, ଟିଏମସି ହିଂସାର ରାଜନୀତି କରୁଛି। ଆଚରଣବିଧି ଲାଗୁ ହେବା ପରେ ବି ଟିଏମସି ଗୁଣ୍ଡାମାନେ ବୋମାମାଡ଼ ଏବଂ ଗୁଳିମାଡ଼ କରୁଛନ୍ତି। ନିର୍ବାଚନ ଆୟୋଗ ଏହାକୁ ଚେତାବନୀ ରୂପେ ଦେଖିବା ଦରକାର।
