ତୀରନ୍ଦାଜୀର ପୁରୁଷ କମ୍ପାଉଣ୍ଡ ଟିମ୍ ଇଭେଣ୍ଟରେ ଆଜି ଭାରତ ପାଇଁ ଏହି ସ୍ୱର୍ଣ୍ଣ ପଦକ ଜିତିଛନ୍ତି ଅଭିଷେକ ବର୍ମା, ଓଜସ ପ୍ରବୀଣ ଦେଓତାଲେ ଓ ପ୍ରଥମେଶ ଜାୱକର। ଦକ୍ଷିଣ କୋରିଆକୁ ୨୩୫-୨୩୦ରେ ହରାଇ ସେମାନେ ଏହି ପଦକ ଜିତିଛନ୍ତି।
ଏସୀୟ କ୍ରୀଡ଼ାରେ ଏହା ହେଉଛି ଭାରତର ୨୧ତମ ସ୍ୱର୍ଣ୍ଣ ପଦକ। ଏହାକୁ ମିଶାଇ ଭାରତ ଏଯାବତ ମୋଟ ୮୪ଟି ପଦକ ଜିତିସାରିଲାଣି। ତା’ମଧ୍ୟରେ ୩୧ଟି ରୌପ୍ୟ ଓ ୩୨ଟି ବ୍ରୋଞ୍ଜ ପଦକ ଅଛି।ଅଭିଷେକ ବର୍ମା, ଓଜସ ଦେଓତାଲେ ଓ ପ୍ରଥମେଶଙ୍କ ପୂର୍ବରୁ ଆଜି ସ୍କ୍ୱାଶ୍ର ମିକ୍ସଡ ଡବଲ୍ସରେ ଦୀପିକା ପାଲିକଲ ଓ ହରିନ୍ଦରପାଲ ସିଂହ ସ୍ୱର୍ଣ୍ଣ ପଦକ ଜିତିଥିଲେ। ସେହିପରି ତୀରନ୍ଦାଜୀର ମହିଳା କମ୍ପାଉଣ୍ଡ ଟିମ୍ ଫାଇନାଲରେ ଭାରତର ଜ୍ୟୋତି, ଅଦିତି ଓ ପରନୀତ ଚାଇନିଜ ତାଇପେଇକୁ ୨୩୦-୨୨୮ରେ ହରାଇ ସ୍ୱର୍ଣ୍ଣ ପଦକ ଜିତିଥିଲେ।
