ଏନ୍ଏନ୍ଏସ ଓଡିଆ, ଭୁବନେଶ୍ୱର; ଲଗାଣ ବର୍ଷାରେ ବେହାଲ ଏବେ ରାଜ୍ୟର ଅଧିକାଶଂ ଅଞ୍ଚଳ । ତେଣୁ ପାଣିପାଗକୁ ଡୃଷ୍ଟିରେ ରଖି ୟୁଜି ଓ ପିଜି ପାଠ୍ୟକ୍ରମରେ ନାମଲେଖା ତାରିଖକୁ ଘୁଞ୍ଚା ଯାଇଛି । ଏହି ନିଷ୍ପତ୍ତି ନେଇଛି ଉଚ୍ଚଶିକ୍ଷା ବିଭାଗ । ୟୁଜି ପାଠ୍ୟକ୍ରମରେ ନାମଲେଖା ପାଇଁ ମନୋନୀତ ଛାତ୍ରଛତ୍ରୀ ଅଗଷ୍ଟ ୪ତାରିଖ ଅଗଷ୍ଟ ୪ ତାରିଖ ଅର୍ଥାତ ଆଜି ସ୍ଲାଇଡ୍ , ଫ୍ରିଜ୍, ଫ୍ଲୋଟ୍ କରିବା ସହ ନାମଲେଖା ଫି ସାମ୍ସ ପୋର୍ଟାଲ ଜରିଆରେ ଦାଖଲ କରିପାରିବେ । ସେହିପରି ଦ୍ୱିତୀୟ ପର୍ଯ୍ୟାୟରେ ମନୋନୀତ ଛାତ୍ରଛତ୍ରୀଙ୍କ ନାମ ଲେଖାଇ ଥିବା ଛାତ୍ର ଛାତ୍ରୀ ୫ ତାରିଖ ସନ୍ଧ୍ୟା ୭ଟା ପର୍ଯ୍ୟନ୍ତ ଇ-ସ୍ପେସ୍ ରେ ଡାଟା ଅପଡେଟ୍ କରିପାରିବେ । ସେହିଭଳି ପିଜି ନାଲେଖା ପାଇଁ ମନୋନୀତ ଛାତ୍ରଛାତ୍ରୀ ୪ତାରିଖ ରାତି ୧୧ଟା ୪୫ ପର୍ଯ୍ୟନ୍ତ ସ୍ଲାଇଡ୍ ଫ୍ରିଜ୍, ଫ୍ଲୋଟ୍ ଏବଂ ନାମଲେଖା ଫି’ ସାମ୍ସ ପୋର୍ଟାଲ ଜରିଆରେ ଦାଖଲ କରିପାରିବେ ।ପ୍ରଥମ ପର୍ୟ୍ୟାୟରେ ନାମଲେଖା ପାଇଁ ମନୋନୀତ ଛାତ୍ରଛାତ୍ରୀ ୫ ତାରିଖ ସନ୍ଧ୍ୟା ୫ଟା ପର୍ୟ୍ୟନ୍ତ ଆଲଟ୍ ହୋଇଥିବା ଶିକ୍ଷାନୁଷ୍ଠାନକୁ ଯାଇ ରିପୋର୍ଟିଂ କରିପାରିବେ । ନାମ ଲେଖାଇଥିବା ଛାତ୍ରଛାତ୍ରୀ ୫ ତାରିଖ ସନ୍ଧ୍ୟା ୭ ଟା ଯାଏଁ ଡାଟା ଅପଡେଟ୍ କରିପାରିବେ । ଏନେଇ ଉଚ୍ଚଶିକ୍ଷା ବିଭାଗ ପକ୍ଷରୁ ବିଶ୍ବବିଦ୍ୟାଳୟ ପିଜି କାଉନ୍ସିଲ୍ ଅଧ୍ୟକ୍ଷ ଏବଂ ଡିଗ୍ରୀ ମହାବିଦ୍ୟାଳୟ ଅଧ୍ୟକ୍ଷଙ୍କୁ ଅବଗତ କରାଯାଇଛି ।ସୂଚନା ଅନୁଯାୟୀ, ଯୁକ୍ତ ତିନି ଦିତୀୟ ପର୍ୟ୍ୟାୟ ରେ ୩୪ ହଜାର ୬୨୩ ଜଣ ଛାତ୍ରଛାତ୍ରୀଙ୍କୁ ସିଲେକ୍ସନ କରାଯାଇଛି। ତେବେ ଯୁକ୍ତ ତିନିରେ ୨ ଲକ୍ଷ ୭୦ ହଜାର ୧୬୩ ସିଟ ରହିଛି । ତେବେ ଏଥିରୁ ୨ ଲକ୍ଷ ୨୩ ହଜାର ୩୬୭ ଜଣ ଆବେଦନ କରିଥିଲେ। ଯୁକ୍ତ ତିନିରେ ପ୍ରଥମ ରାଉଣ୍ଡରେ ୯୨ ହଜାର ୬୧୨ ଜଣ ନାମ ଲେଖାଇଥିବା ବେଳେ ୮୮ ହଜାର ୮୮୫ ଜଣ ସ୍ଲାଇଡ୍ ଅଫ କରିଛନ୍ତି ।ସେହିପରି ଦ୍ବିତୀୟ ରାଉଣ୍ଡରେ ୩୪ ହଜାର ୬୨୩ ଜଣ ଛାତ୍ରଛାତ୍ରୀଙ୍କୁ ଚୟନ କରାଯାଇଛି। ସେଥିମଧ୍ୟରୁ ମୋଟ ଛାତ୍ର ହେଉଛନ୍ତି ୧୫ ହଜାର ୫୩୬ ଓ ଛାତ୍ରୀ ହେଉଛନ୍ତି ୧୯ ହଜାର ୮୫ ଜଣ। ସେହିପରି ୨ ଜଣ ଟିଜେଣ୍ଡରର ରହିଛନ୍ତି । ତଥ୍ୟ ଅନୁସାରେ କଳାରେ ୨୦ ହଜାର ୩୨୦, ଫିଜିକାଲ ସାଇନ୍ସରେ ୫ ହଜାର ୯୯୪, ବାୟୋଲୋଜିକାଲ୍ ସାଇନ୍ସରେ ୫ ହଜାର ୮୧୦, ବାଣିଜ୍ୟରେ ୧ ହଜାର ୮୯୧, ସଂସ୍କୃତରେ ୨୨୬ ଏବଂ ସେଲ୍ପ ଫାଇନ୍ସରେ ୩୮୨ ଛାତ୍ରଛାତ୍ରୀଙ୍କୁ ଚୟନ କରାଯାଇଛି ।