କୋରାପୁଟ: ପୁଣି କୋରାପୁଟରୁ ବିପୁଳ ପରିମାଣର ଗଞ୍ଜେଇ ଜବତ । ପ୍ରାୟ ୧୭ଶହ ୫୨ କିଲୋ ଗଞ୍ଜେଇ ଜବତ କରିଛି ପୋଲିସ। ଲାଣ୍ଡିଗୁଡ଼ା ଛକ ନିକଟରେ କୋରାପୁଟ ଟାଉନ ଥାନା ପୋଲିସ ପକ୍ଷରୁ ୫୬ ଲକ୍ଷ ଟଙ୍କାର ଗଞ୍ଜେଇ ଜବତ ହୋଇଛି । ଏଥିରେ ୮ ଜଣଙ୍କୁ ଗିରଫ କରିଛି କୋରାପୁଟ ଟାଉନ ପୋଲିସ। ପଟାଙ୍ଗୀ ଅଞ୍ଚଳରୁ ବିହାରକୁ ଏହି ଗଞ୍ଜେଇ ସବୁ ଚାଲାଣ ହେଉଥିଲା । ଗଞ୍ଜେଇ ଚାଲାଣରେ ବ୍ୟବହୃତ ଟ୍ରକକୁ ଅଟକ ରଖିଛି କୋରାପୁଟ ପୋଲିସ । ଏହାସହ ଏନେଇ ଅଧିକ ତଦନ୍ତ ଜାରି ରଖିଛି ପୋଲିସ । ବାରମ୍ୱାର କୋରାପୁଟରୁ ଗଞ୍ଜେଇ ଜବତ ହେଉଥିବାବେଳେ ଏନେଇ କାହିଁକି ବଡ ଧରଣର କାର୍ଯ୍ୟାନୁଷ୍ଠାନ ନିଆଯାଉନି ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି
