ଏନ୍ଏନ୍ଏସ ଓଡିଆ, ଭୁବନେଶ୍ୱର: ଭାରତୀୟ ଜାତୀୟ ପକ୍ଷୀ ହେଉଛି ମୟୁର । ଏହା ଦେଖିବାକୁ ବହୁତ ସୁନ୍ଦର । ମୟୁରକୁ ଦେଖିଲେ ମନ ଖୁସି ଦୋଇଯାଏ । ବିଶେଷ କରି ଶ୍ରାବଣ ମାସରେ ମୟୁରର ସୌନ୍ଦର୍ଯ୍ୟ ଦ୍ୱିଗୁଣିତ ହୋଇଯାଇଥାଏ । ଯେତେବେଳେ ବର୍ଷା ଆସେ ସେମାନେ ପୁଚ୍ଛ ମେଲାଇ ନାଚିବା ଆରମ୍ଭ କରନ୍ତି । ଆଉ ଏହି ଦୃଶ୍ୟକୁ ଶବ୍ଦରେ ବର୍ଣ୍ଣାନା କରିବା କଷ୍ଟକର ହୋଇଯାଇ ଥାଏ । ସାଧାରଣତଃ ସବୁଜ ରଙ୍ଗର ମୟୁର ଆପଣ ଦେଖିଥିବେ , କିନ୍ତୁ ଧଳା ରଙ୍ଗର ମୟୁର କେବେ ଦେଖିଛନ୍ତି କି ?
ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଧଳା ମୟୁରର ଏକ ଭିଡିଓ । ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି । ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ , ଏକ ମୟୁର ନଜରକୁ ଆସୁଛି, ଯାହାର ତଳପାଶ୍ୱ ସବୁଜ ଥିବା ବେଳେ ଉପର ଭାଗ ସମ୍ପୂର୍ଣ୍ଣ ଧଳାରଙ୍ଗର । ଏହାଏକ ବିରଳ ମୟୁର, ଯାହା ସହଜରେ ଦୃଶ୍ୟମାନ ହୁଅନ୍ତି ନାହିଁ । ସାଧାରଣତଃ ମୟୁର ଦେଖିବାକୁ ସବୁଜ ରଙ୍ଗର ହୋଇଥାନ୍ତି । ଆଉ ଏହି ଧଳା ରଙ୍ଗର ବିରଳ ମୟୁର ଦେଖି ଲୋକେ ଚକିତ ହୋଇଯାଇଛନ୍ତି । ମୟୁରଟି ଯେତେବେଳେ ତାର ଧଳା ପୁଚ୍ଛ ମେଲାଉଛି ତାହା ଲୋକଙ୍କ ମନ ମୋହୁଛି ।
