ବଲିଉଡ୍ ଡ୍ରାମା କୁଇନ୍ ରାକ୍ଷୀ ସାୱନ୍ତ ସର୍ବଦା ନିଜର ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ରହିଥାନ୍ତି। ଏହି ଅଭିନେତ୍ରୀଙ୍କ ଜୀବନରେ ସବୁବେଳେ କିଛି ନା କିଛି ଘଟଣା ଦୁର୍ଘଟଣା ଘଟିଥାଏ। ଯାହାକୁ ରାକ୍ଷୀ ସର୍ବଦା ସୋସିଆଲ ମିଡିଆରେ ସେୟାର କରିଥାନ୍ତି। କେବେ ବିବାଦୀୟ ବୟାନ ପାଇଁ ତ କେବେ ନିଜର ବୈବାହିକ ଜୀବନକୁ ନେଇ ଚର୍ଚ୍ଚାରେ ରହୁଥିବା ରାକ୍ଷୀଙ୍କ ସହ ଶନିବାର ଦିନ ଏକ ଆଶ୍ଚର୍ୟ୍ୟକର ଘଟଣା ଘଟିଥିବା ସେ ନିଜେ କହିଛନ୍ତି। ଏହି ଘଟଣାକୁ ନେଇ ସେ ଚିନ୍ତାରେ ଥିବାବେଳେ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି।
ଭିଡିଓରେ ରାକ୍ଷୀ ସାୱନ୍ତ କହିଛନ୍ତି, ତାଙ୍କ ଡ୍ରାଇଭର ତାଙ୍କର କାର, ସୁନାର ମୋବାଇଲ ଓ କୋଟିଏ ଟଙ୍କା ଚୋରି କରି ଫେରାର ହୋଇଯାଇଛି। ଏହି ଘଟଣା ଜାଣିବା ପରେ ରାକ୍ଷୀ କହିଛନ୍ତି କି ଡ୍ରାଇଭର ଜଣଙ୍କ ଗରିବ କହିବାରୁ ତାଙ୍କୁ ସେ ଚାକିରିରେ ରଖିଥିଲେ। ଏହାସହ ଫେରାର ହୋଇଯାଇଥିବା ଡ୍ରାଇଭରର ଭଉଣୀ ଏବେ ରାକ୍ଷୀଙ୍କ ଘରେ କାମ କରୁଥିବା କଥା ରାକ୍ଷୀ କହିଛନ୍ତି। ଏନେଇ ରାକ୍ଷୀ ସାୱନ୍ତ ଡ୍ରାଇଭର ପପୁ ଯାଦବଙ୍କ ନାମରେ ଓଶିବାରା ଥାନାରେ ଅଭିଯୋଗ କରିଛନ୍ତି।
https://www.instagram.com/reel/CuuEhz1OjY2/?utm_source=ig_web_copy_link
ରାକ୍ଷୀ ସାୱନ୍ତଙ୍କ କାର ଚୋରି ହେବା ପରେ ସୋସିଆଲ ମିଡିଆରେ ଯେଉଁ ଭିଡିଓ ପୋଷ୍ଟ କରିଛନ୍ତି ସେଥିରେ ସେ ଏକ ଅଟୋରେ ଯାଉଥିବାର ଦେଖିବାକୁ ମିଳିଛି। ଏଥିରେ ସେ କହିଛନ୍ତି ଯେତେବେଳେ ସାରା ଦେଶ ଚନ୍ଦ୍ରଯାନ-୩କୁ ନେଇ ଖୁସି ମନାଉଛନ୍ତି ସେତେବେଳେ ତାଙ୍କ ଡ୍ରାଇଭର ତାଙ୍କ ଜୀବନରେ ଗ୍ରହଣ ଲଗାଇ ଚାଲିଯାଇଛି। ଏହି ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ଅନେକ କମେଣ୍ଟ କରିଛନ୍ତି।
