ଏନଏନଏସ୍: ପୁଣି ଟ୍ରେନ ଦୁର୍ଘଟଣା । ଟ୍ରେନ୍ ବଗିରେ ଲାଗିଲା ନିଆଁ । ସୂଚନାଯୋଗ୍ୟ ଆଜି ତେଲେଙ୍ଗାନାର ବୋମ୍ମାଇପାଲ୍ଲୀ ଓ ପାଗିଡ଼ିପାଲ୍ଲୀ ମଧ୍ୟରେ ଫାଲକ୍ନୁମା ଏକ୍ସପ୍ରେସ୍ ର ୩ଟି ବଗିରେ ନିଆଁ ଲାଗିଯାଇଛି । ନିଆଁ ଲାଗିଥିବା ଜଣାପଡ଼ିବା କ୍ଷଣି ଟ୍ରେନ୍ ଘଟଣାସ୍ଥଳରେ ଅଟକି ଯାଇଥିଲା ଓ ସମସ୍ତ ଯାତ୍ରୀ ଟ୍ରେନ୍ରୁ ଓହ୍ଲାଇ ପଡ଼ିଥିଲେ। ଦୁର୍ଘଟଣାରେ କାହାର କିଛି କ୍ଷତି ହୋଇନଥିବା ସୂଚନା ମିଳିଛି ।
ରିପୋର୍ଟ ଅନୁଯାୟୀ ଫାଲକ୍ନୁମା ଏକ୍ସପ୍ରେସ୍ ର ଏସ୍୪’, ‘ଏସ୍୫’ ଓ ‘ଏସ୍୬’ ବଗିରେ ନିଆଁ ଲାଗିଛି। ନିଆଁ ଲାଗିଥିବା ଜଣାପଡ଼ିବା ପରେ ଟ୍ରେନ୍ରୁ ଓହ୍ଲାଇପଡ଼ିଥିବା ଯାତ୍ରୀମାନଙ୍କ ଯାତ୍ରା ପାଇଁ ବିକଳ୍ପ ବ୍ୟବସ୍ଥା କରାଯାଉଛି। ଅନ୍ୟପଟେ ବଗିରେ କିଭଳି ନିଆଁ ଲାଗିଲା ସେନେଇ ରେଳବାଇ ଡିଭିଜନ୍ ତଦନ୍ତ ଆରମ୍ଭ କରିଛି।
