ରାଜଧାନୀରୁ ନିଖୋଜ ଦୁଇ ୧୦ମ ଶ୍ରେଣୀ ଛାତ୍ର, ଅଭିଯୋଗ ପରେ ଖୋଜୁଛି ପୋଲିସ୍

ଭୁବନେଶ୍ୱର(ଏନଏନଏସ୍): ରାଜଧାନୀ ଭୁବନେଶ୍ୱରରୁ ଦୁଇ ଦଶମ ଶ୍ରେଣୀ ଛାତ୍ର ନିଖୋଜ। ରାଜଧାନୀର ଏକ ଘରୋଇ ସ୍କୁଲର ଛାତ୍ର ହେଉଛନ୍ତି ପୃଥ୍ୱୀରାଜ ପ୍ରଧାନ ଏବଂ ସୋନୁ କୁମାର। ସୂଚନା ଅନୁଯାୟୀ ଗତକାଲି ଦୁଇ ସାଙ୍ଗ ଏକାଠି ସ୍କୁଲ ଆସିବା ପରେ ଘରକୁ ଫେରି ନଥିଲେ। ଘରକୁ ନଫେରିବାରୁ ସକାଳୁ ରାତି ସାରା ଖୋଜାଖୋଜି କରି ନୟାନ୍ତ ହେଲେ ଦୁଇ ନାବାଳକଙ୍କ ବାପା-ମାଆ ଓ ପରିବାର ଲୋକେ। ଏନେଇ ସ୍ଥାନୀୟ ଚନ୍ଦକା ଥାନାରେ ଅଭିଯୋଗ କରିଛନ୍ତି ଦୁଇ ନାବାଳକଙ୍କ ପରିବାର ଲୋକେ। ଅଭିଯୋଗ ପରେ ପୋଲିସ ସ୍କୁଲର ଅଧ୍ୟକ୍ଷାଙ୍କୁ ପଚରାଉଚରା କରିଛି। ଏଥିସହ ସ୍କୁଲରେ ଲାଗିଥିବା ସିଟିଟିଭି ଓ ସ୍କୁଲ ରାସ୍ତାରେ ଲାଗିଥିବା ସିସିଟିଭିକୁ ଆଧାର କରି ଘଟଣାର ତଦନ୍ତ ଜାରି ରଖିଛି।