ଏନଏନଏସ୍: ଗତ ମେ ୧୩ ତାରିଖରେ ବଲିଉଡ୍ ଅଭିନେତ୍ରୀ ପରିଣୀତି ଚୋପ୍ରାଙ୍କ ସହ ଆପ୍ ନେତା ରାଘବ ଚଢାଙ୍କ ନିର୍ବନ୍ଧ ହୋଇଛି । ଏହାପରେ ଉଭୟ ନିଜର ବ୍ୟସ୍ତ ଜୀବନ ମଧ୍ୟରେ ଦିଲ୍ଲୀ ଏବଂ ମୁମ୍ବାଇରେ ଏକାଠି ନଜର ଆସିଛନ୍ତି । ଏନେଇ ଗତକାଲି ଅର୍ଥାତ ଜୁଲାଇ ମାସର ଆରମ୍ଭରେ ପଞ୍ଜାବର ଅମୃତସର ଠାରେ ଥିବା ସ୍ୱର୍ଣ୍ଣ ମନ୍ଦିରରେ ଉଭୟ ଏକାଠି ନଜର ଆସିଛନ୍ତି । ପରିଣୀତି ଏବଂ ରାଘବ ଉଭୟ ସ୍ୱର୍ଣ୍ଣ ମନ୍ଦିର ଦର୍ଶନ ପାଇଁ ଯାଇଥିବା ଶୁଣିବାକୁ ମିଳିଛି, ଯାହାର ଫଟୋ ଏବଂ ଭିଡ଼ିଓ ମଧ୍ୟ ସେ ସୋସିଆଲ ମିଡ଼ିଆରେ ସେୟାର କରିଛନ୍ତି ।
ଅନ୍ୟପଟେ ରାଘବ ସୋସିଆଲ ମିଡ଼ିଆରେ ଫଟୋ ସେୟାର କରି ଲେଖିଛନ୍ତି, ପବିତ୍ର ମନ୍ତ୍ରପାଠ ସହ ଆମେ ଆଖି ବନ୍ଦ କରି ପ୍ରାର୍ଥନା କଲୁ ଓ ସଚଖଣ୍ଡ ଶ୍ରୀ ହରମନ୍ଦିର ସାହିବଙ୍କ ଆଶୀର୍ବାଦ ନେଲୁ। ପରିଣୀତି ମୋ ସହ ରହିବା ଦ୍ବାରା ଏହା ମୋ ପାଇଁ ଏକ ବିଶେଷ ମୁହୂର୍ତ୍ତ ଥିଲା ବୋଲି ଚଢ଼ା ଲେଖିଛନ୍ତି।
ସୂଚନା ଅନୁଯାୟୀ ଆସନ୍ତା ଅକ୍ଟୋବର ମାସରେ ରାଘବ-ପରିଣୀତିଙ୍କର ବିବାହ ହେବାକୁ ଯାଉଛି।
