ଜରୁରୀକାଳିନ ଅବତରଣ କଲା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ହେଲିକପ୍ଟର

ଏନଏନଏସ୍: ଆଜି ଜରୁରୀକାଳିନ ଅବତରଣ କରିଛି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ହେଲିକପ୍ଟର । ଖରାପ ମୌସୁମୀ ଯୋଗୁଁ ହେଲିକପ୍ଟରକୁ ଏମରଜେନ୍ସି ଲାଣ୍ଡିଂ କରିବାକୁ ପଡିଛି । ଖବର ଅନୁଯାୟୀ ମୁଖ୍ୟମନ୍ତ୍ରୀ ମମତା ବାନାର୍ଜୀ ଜଲପାଇଗୁଡିରୁ ବାଗଡୋଗରା ଯାଉଥିବା ବେଳେ ସାଲୁଗାଡା ନିକଟ ଆର୍ମି ଏୟାରବେସରେ ହେଲିକପ୍ଟର ଜରୁରୀକାଳିନ ଅବତରଣ କରିଥିଲା । ଅବତରଣ ସମୟରେ ଝଟକା ଲାଗିବା କାରଣରୁ ମମତା ବାନାର୍ଜୀଙ୍କ ପିଠି ଓ ଆଣ୍ଠୁରେ ଆଘାତ ଲାଗିଛି । ଏୟାରପୋର୍ଟରୁ ଓହ୍ଲାଇବା ପରେ ମମତା ବାନାର୍ଜୀଙ୍କୁ କୋଲକାତାର ଏକ ହସ୍ପିଟାଲ ନିଆଯାଇଛି ।