ଏନଏନଏସ୍: ଦୁଇ ଦିନ ହେବ ଗୋପାଳଜୀଉ ମନ୍ଦିରରେ ନୀତିକାନ୍ତି ବନ୍ଦ । ସୂଚନା ଯୋଗ୍ୟ ଗତକାଲି ସାକ୍ଷୀଗୋପାଳର ଗୋପାଳଜୀଉ ମନ୍ଦିରର ନୀତିକାନ୍ତି ଗତକାଲିଠାରୁ ବନ୍ଦ ରଖିଛନ୍ତି ମନ୍ଦିରର ସେବାୟତ। ଏଥିସହିତ ସିଂହଦ୍ୱାରକୁ ମଧ୍ୟ ବନ୍ଦ ରଖିଛନ୍ତି। ଗୋପାଳଜିଉଙ୍କ ମୁଖ୍ୟ ଦ୍ୱାର ବନ୍ଦ କରି ଧାରଣା ଦେଇଛନ୍ତି ସେବାୟତ। ଫଳରେ ଦର୍ଶନରୁ ବଞ୍ଚିତ ହୋଇ ଫେରିଛନ୍ତି ଶହ ଶହ ଭକ୍ତ। ସୂଚନା ଅନୁସାରେ ବିଶ୍ୱ ବିଦ୍ୟାଳୟ ସମ୍ପ୍ରସାରଣ ପାଇଁ ମନ୍ଦିରର ସେବାୟତଙ୍କ ଶ୍ମଶାନ ଭାଙ୍ଗିବା ପ୍ରତିବାଦ ଓ କାର୍ୟ୍ୟାନୁଷ୍ଠାନ ଦାବିରେ ସେବାୟତମାନେ ଧାରଣାରେ ବସିଛନ୍ତି।
ଅନ୍ୟପଟେ ରଥଯାତ୍ରା ସମୟ ଥିବାରୁ ମନ୍ଦିରର ଦେବନୀତି ବନ୍ଦ ହେବା ଦ୍ୱାରା ଭକ୍ତଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଘଟଣାସ୍ଥଳରେ ସତ୍ୟବାଦୀ ତହସିଲଦାର ଓ ମନ୍ଦିର ଏକଜିକ୍ୟୁଟିଭ ଅଫିସର ପହଞ୍ଚି ସେବାୟତଙ୍କୁ ବୁଝାସୁଝା କରିବା ପରେ ମଧ୍ୟ କୌଣସି ସୁଫଳ ମିଳିନାହିଁ । ଫଳରେ ଅନେକ ଭକ୍ତ ଗୋପାଳଜୀଉଙ୍କ ଦର୍ଶନ ନପାଇଁ ଫେରିଯାଉଛନ୍ତି ।
