ଏନଏନଏସ୍: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ନୂତନ ଭାବେ ନିଯୁକ୍ତ ହୋଇଥିବା କର୍ମଚାରୀଙ୍କୁ ପ୍ରାୟ ୭୦,୦୦୦ ନିଯୁକ୍ତି ପତ୍ର ବଣ୍ଟନ କରିଛନ୍ତି । ଏହି ଅବସରରେ ପ୍ରଧାନମନ୍ତ୍ରୀ ନିଯୁକ୍ତି ଲୋକଙ୍କୁ ସମ୍ଭୋଧିତ କରିଛନ୍ତି । ଏନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ସୂତ୍ରରୁ ସୂଚନା ପ୍ରକାଶ ପାଇଛି । ସୂଚନାଯୋଗ୍ୟ ଆଜି ଦେଶର ୪୩ଟି ସ୍ଥାନରେ ରୋଜଗାର ମେଳା ଆୟୋଜନ କରାଯାଇଛି । ଏହି ପଦକ୍ଷେପକୁ ସମର୍ଥନ କରିବାକୁ ଯାଇ କେନ୍ଦ୍ର ସରକାର ବିଭାଗ ସହ ରାଜ୍ୟ ସରକାର ଏବଂ କେନ୍ଦ୍ର ଶାସିତ ପ୍ରଦେଶରେ ମଧ୍ୟ ନିଯୁକ୍ତି ହେଉଛି ।
ଦେଶର ବିଭିନ୍ନ ସ୍ଥାନରୁ ମନୋନୀତ ହୋଇଥିବା ଏହି ନୂତନ ନିଯୁକ୍ତିରେ ଆର୍ଥିକ ସେବା ବିଭାଗ, ପୋଷ୍ଟ ବିଭାଗ, ବିଦ୍ୟାଳୟ ଶିକ୍ଷା ବିଭାଗ, ଉଚ୍ଚଶିକ୍ଷା ବିଭାଗ, ପ୍ରତିରକ୍ଷା ମନ୍ତ୍ରଣାଳୟ, ରାଜସ୍ୱ ବିଭାଗ, ସ୍ୱାସ୍ଥ୍ୟ ମନ୍ତ୍ରଣାଳୟ, ପରିବାର କଲ୍ୟାଣ, ପରମାଣୁ ଶକ୍ତି ବିଭାଗ, ରେଳ ମନ୍ତ୍ରାଳୟ, ଅଡିଟ ଏବଂ ଆକାଉଣ୍ଟସ୍ ବିଭାଗ, ପରମାଣୁ ଶକ୍ତି ବିଭାଗ ଏବଂ ଗୃହ ମନ୍ତ୍ରାଳୟ ସମେତ ସମେତ ବିଭିନ୍ନ ସରକାରୀ ବିଭାଗରେ ଯୋଗଦେବେ।
ବେକାରି ଯୁବକଙ୍କ ରୋଜଗାରକୁ ପ୍ରାଥମିକତା ଦେବା ରୋଜଗାର ମେଳା ଯୋଜନାର ଲକ୍ଷ୍ୟ । ପ୍ରଧାନମନ୍ତ୍ରୀଙ୍କ ପ୍ରତିବଦ୍ଧତାକୁ ପୂରା କରିବା ପାଇଁ ଏଭଳି ପଦକ୍ଷେପ ନିଆଯାଇଛି । ରୋଜଗାର ମେଳା ଯୁବକମାନଙ୍କୁ ସଶକ୍ତିକରଣ ଏବଂ ରାଷ୍ଟ୍ରିୟ ବିକାଶରେ ଅଂଶ ଗ୍ରହଣ ପାଇଁ ଅବସର ପ୍ରଦାନ କରିବ ବୋଲି ଆଶା କରାଯାଉଛି।
ନୂତନ ଭାବେ ନିଯୁକ୍ତ ହୋଇଥିବା କର୍ମଚାରୀମାନେ ତାଲିମ ନେବା ପାଇଁ କର୍ମକ୍ଷେତ୍ରରେ ଏକ ଅନଲାଇନ ମଡ୍ୟୁଲ ସୁବିଧା ରହିଛି । ଏଠାରେ ଯେକୌଣସି ଉପକରଣ ଶିଖିବା ପାଇଁ ୪୦୦ରୁ ଅଧିକ ଇ-ଲର୍ନିଂ ପାଠ୍ୟକ୍ରମ ରହିଛି ।
