ରାସ୍ତା ଉପରେ ଜଳିଗଲା ଲୁହାପଥର ବୋଝେଇ ଟ୍ରକ୍, ଅଳ୍ପକେ ବର୍ତ୍ତିଲେ ଚାଳକ

ଏନଏନଏସ୍: ରାସ୍ତା ଉପରେ ଜଳିଗଲା ଟ୍ରକ୍ । ଅଳ୍ପକେ ବର୍ତ୍ତିଲେ ଟ୍ରକ୍ ଡ୍ରାଇଭର । ସୂଚନାଯୋଗ୍ୟ ଦେବଗଡ ସହର ରଜାମୁଣ୍ଡା ଛକଠାରୁ ଅଳ୍ପ ଦୂରରେ ଜଳିଗଲା ଟ୍ରକ୍ । କୋଇଡା ଅଞ୍ଚଳରୁ ଲୁହା ପଥର ବୋଝେଇ ଟ୍ରକଟି ଝାରସୁଗୁଡା ଅଭିମୁଖେ ଯାଉଥିଲା । ଏହି ସମୟରେ ହଠାତ ବାଇପାସ ଛକରେ ଟ୍ରକରେ ନିଆଁ ଲାଗିଯାଇଥିଲା । ଫଳରେ ଗାଡି ଚାଳକ ଜଣକ ଗାଡିରୁ ଓହ୍ଲାଇ ପଡ଼ିବାରୁ ଦୁର୍ଘଟଣାରୁ ଅଳ୍ପକେ ବର୍ତ୍ତଯାଇଛନ୍ତି । ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ଆଶଙ୍କା କରାଯାଉଛି । ଅନ୍ୟପଟେ ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।