ଏନଏନଏସ୍: ବିବାହ ସାରି ଫେରୁଥିବା ବେଳେ ଘଟିଲା ବଡ଼ ଦୁର୍ଘଟଣା । କାର୍ ରେ ଆସୁଥିବା ବର-କନ୍ୟାଙ୍କ ସମେତ ୪ଜଣ ଆହତ ହେଇଥିବା ସୂଚନା ମିଳିଛି । ସୂଚନାଯୋଗ୍ୟ ଆଜି ସକାଳୁ ସମ୍ବଲପୁରରୁ ଟିଟିଲାଗଡ଼ ଖପସୀ ଅଞ୍ଚଳକୁ ବାହାଘର ପାଇଁ ଯାଇଥିଲେ ବରଯାତ୍ରୀ। ବାହାଘର ପରେ କନ୍ୟାକୁ ସାଙ୍ଗରେ ନେଇ ଫେରୁଥିବା ମହିନ୍ଦ୍ରା କେୟୁଭି ଗାଡିଟି ଭରସାମ୍ୟ ହରାଇ ବଲାଙ୍ଗୀର – ସୋନପୁର ରାସ୍ତାର କୃଷି ବିଜ୍ଞାନ କେନ୍ଦ୍ର ନିକଟରେ ରାସ୍ତା କଡ଼ରେ ଥିବା ଏକ ଗଛରେ ପିଟି ହୋଇଥିଲା। ଫଳରେ ଗାଡ଼ିରେ ଥିବା ୬ ଜଣଙ୍କ ମଧ୍ୟରୁ ୪ ଜଣ ଆହତ ହୋଥିବାବେଳେ ବର ଓ କନ୍ୟା ଗୁରୁତର ଭାବେ ଆହତ ହୋଇଛନ୍ତି। ସମସ୍ତଙ୍କୁ ପ୍ରଥମେ ସୋନପୁର ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ଅବସ୍ଥା ଗୁରୁତର ଥିବାରୁ ବର ଓ କନ୍ୟାକୁ ବୁର୍ଲାକୁ ସ୍ଥାନାନ୍ତର କରାଯାଇଥିବା ଜଣାପଡିଛି । ଅନ୍ୟପଟେ ପୋଲିସ ଗାଡ଼ିକୁ ଜବତ କରି ଘଟଣାର ତଦନ୍ତ କରୁଛି।
