ଯାଜପୁର(ଏନଏନଏସ୍): ଯାଜପୁର କଳିଙ୍ଗନଗର ଥାନା ଡୁବୁରୀ ଛକରେ ଭୟାବହ ଅଗ୍ନିକାଣ୍ଡ। ଜଳିଗଲା ୭ ଦୋକାନ । ସୂଚନାଯୋଗ୍ୟ ଆଜି ସକାଳ ୫ଟାରେ ଡୁବୁରୀ ଛକଠାରେ ଏକ ଜଳଖିଆ ଦୋକାନରେ ହଠାତ୍ ଗ୍ୟାସ୍ ଟାଙ୍କିରେ ନିଆଁ ଲାଗିଯାଇଥିଲା। ପରେ ନିଆଁ ବ୍ୟାପୀ ୭ଟି ଦୋକାନ ଜଳିପୋଡି ପାଉଁଶ ହୋଇଯାଇଛି। ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର କ୍ଷୟକ୍ଷତି ହୋଇଛି। ଖବର ପାଇ ଘଟଣାସ୍ଥଳରେ ଟାଟାଷ୍ଟିଲ, ଦାନଗଦି ଓ ସୁକିନ୍ଦା ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ ।
