ପୁରୀ(ଏନଏନଏସ୍): ଆଜି ମହାପ୍ରଭୁଙ୍କ ଅନବସରର ତୃତୀୟ ଦିନ। ସ୍ନାନବେଦୀରେ ଅତ୍ୟଧିକ ସ୍ନାନ କରି ଜ୍ୱରରେ ପୀଡିତ ଅଛନ୍ତି ମହାପ୍ରଭୁ। ଦଇତାପତି ସେବକଙ୍କ ଦ୍ୱାରା ଅଣସର ପିଣ୍ଡିରେ ଚାଲିଛି ଶ୍ରୀ ବିଗ୍ରହମାନଙ୍କ ଗୁପ୍ତ ଉପଚାର । ଗତକାଲି ଶ୍ରୀ ଅଙ୍ଗରୁ ଓଦା ବସ୍ତ୍ର ଓଲାଗି କରାଯାଇ ଶ୍ରୀଜିଉଙ୍କ ସ୍ୱତନ୍ତ୍ର ପୂଜାନୀତି ଅନୁଷ୍ଠିତ ହେଉଛି ।
ଆଜି ଜ୍ୱରରେ ପୀଡିତ ଶ୍ରୀ ବିଗ୍ରହଙ୍କ ନିମନ୍ତେ ଧଳା ପୁଷ୍ପ, ଚକଟା ଭୋଗ ସହ ଅଣସର ପଣା ତାଟି ବାହାରେ ନୈବେଦ୍ୟ ରୂପେ ଅର୍ପଣ କରାଯାଉଛି । ବର୍ତ୍ତମାନ ମହାପ୍ରଭୁଙ୍କୁ ଜ୍ୱରରେ ପୀଡ଼ିତ ଥିବାରୁ ଶ୍ରୀ ମନ୍ଦିର ମଧ୍ୟରେ ଘଣ୍ଟ ଘଣ୍ଟା ଆଦି ବାଜିବା ବନ୍ଦ ରହିଛି । ଏପରିକି ଅଣସର ସମୟରେ ମହାପ୍ରଭୁଙ୍କୁ ତୁଳସୀ ଲାଗି ମଧ୍ୟ ହୋଇନଥାଏ ।
