ଜୋରସୋରରେ ଚାଲିଛି ପୁଷ୍ପା-୨ ର ସୁଟିଂ । ଫିଲ୍ମ ଦେଖିବାକୁ ଦର୍ଶକମାନେ ଅପେକ୍ଷା କରି ରହିଥିବା ବେଳେ ଉତ୍ସାହ ପ୍ରକାଶ କରିଛନ୍ତି। ସୂଚନାଯୋଗ୍ୟ ନିକଟରେ ଏହି ଫିଲ୍ମର କିଛି ଦୃଶ୍ୟ ଓଡ଼ିଶାରେ ସୁଟିଂ ହୋଇସାରିଛି । ଏହାରି ଭିତରେ ଫିଲ୍ମ “ପୁଷ୍ପା-୨” କୁ ନେଇ ଏକ ବଡ ଖବର ସାମ୍ନାକୁ ଆସିଛି । ଖବର ଅନୁଯାୟୀ ପୁଷ୍ଫା “ଦ ରୁଲ” ରେ ନଜର ଆସିବେ ବଲିଉଡ୍ ଅଭିନେତା ରଣବୀର ସିଂ। ରଣବୀର ଯଦି ଏହି ଫିଲ୍ମରେ ସୁଟିଂ କରନ୍ତି ତେବେ ଅଧିକ ସଫଳତା ପାଇବେ ବୋଲି ତାଙ୍କ ପ୍ରଶଂସକମାନେ କହିଛନ୍ତି । କିନ୍ତୁ ଏହି ଖବର ସମ୍ପର୍କରେ ବର୍ତ୍ତମାନ ସୁଦ୍ଧା ରଣବୀର କିମ୍ବା ପ୍ରଯୋଜନା ସଂସ୍ଥା ପକ୍ଷରୁ କୌଣସି ସୂଚନା ଜାରି କରାଯାଇନାହିଁ ।
ରଣବୀର ନିଜ ପ୍ରତିଭାରେ ଦର୍ଶକଙ୍କୁ ବାନ୍ଧି ରଖିଛନ୍ତି । ରଣବୀର ଏବେ କରଣ ଜୋହରଙ୍କ ଫିଲ୍ମ ‘ରକି ଅର ରାନୀ କି ପ୍ରେମ କାହାନୀ’ର ସୁଟିଂ ପାଇଁ ବ୍ୟସ୍ତ ଅଛନ୍ତି । ଏହି ଫିଲ୍ମରେ ତାଙ୍କ ସହ ଅଭିନେତ୍ରୀ ଆଲିଆ ଭଟ୍ଟ ଅଭିନୟ କରୁଛନ୍ତି । ସେପଟେ ଏଭଳି ଏକ ସମୟରେ ଯଦି ରଣବୀର ଅଲ୍ଲୁ ଅର୍ଜୁନଙ୍କ ଅଭିନୀତ ଫିଲ୍ମ ପୁଷ୍ପାରେ ଯଦି ନଜର ଆସନ୍ତି ତାହେଲେ ତାଙ୍କ କ୍ୟାରିୟର ପାଇଁ ଲାଭଦାୟକ ହେବ ବୋଲି ସିନେ ସମୀକ୍ଷକମାନେ ମତ ଦେଇଛନ୍ତି ।
