ବିବାହ ପରେ କିଆରା ଆଡଭାନୀଙ୍କ ପ୍ରଥମ ଚଳଚ୍ଚିତ୍ର ‘ସତ୍ୟପ୍ରେମ କି କଥା’ର ଟିଜର ରିଲିଜ ହୋଇଛି। ଏହି କିଛି ସେକେଣ୍ଡର ଟିଜରରେ କିଆରା ଏବଂ କାର୍ତ୍ତିକ ଆର୍ୟ୍ୟନଙ୍କ ଯୋଡି ବହୁତ ସୁନ୍ଦର ଦେଖାଯାଉଛି। ଏହି ଟ୍ରେଲରରେ ଉଭୟଙ୍କ ରୋମାନ୍ସ ଏବଂ ଇମୋସନ୍ ପ୍ରଦର୍ଶିତ ହୋଇଛି । କିଆରା ଆଡଭାନୀ ନିଜେ ଏହି ଟିଜରକୁ ନିଜର ଅଫିସିଆଲ ଇନଷ୍ଟାଗ୍ରାମରେ ସେୟାର କରିଛନ୍ତି।
ଦ୍ୱିତୀୟ ଥର ପାଇଁ ବଡ ପରଦାରେ କିଆରା ଆଡଭାନୀ ଏବଂ କାର୍ତ୍ତିକ ଆର୍ୟ୍ୟ ଏକାଠି ନଜର ଆସିବେ । ଏହି ଚଳଚ୍ଚିତ୍ରର ନାମ ହେଉଛି “ସତ୍ୟପ୍ରେମ କି କଥା” । ଏହି ଟିଜରରେ କିଆରା ଏବଂ କାର୍ତ୍ତିକ ରୋମାନ୍ସ ସହ ଦମଦାର୍ ଏଣ୍ଟ୍ରି କରୁଥିବାର ଦେଖିବାକୁ ପାଇବେ ।
ଫିଲ୍ମ “ସତ୍ୟପ୍ରେମ କି କଥା” ଚଳିତ ବର୍ଷ ୨୯ ଜୁନରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରର ଟ୍ରେଲର କାର୍ତ୍ତିକ ଆର୍ୟ୍ୟଙ୍କ ଦମଦାର୍ ଡାଏଲଗ୍ ରୁ ଆରମ୍ଭ ହୋଇଛି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ସମୀର ବିଦୱାନ୍ସ। ପୂର୍ବରୁ କାର୍ତ୍ତିକ ଏବଂ କିଆରାଙ୍କ ଯୋଡି ଫିଲ୍ମ “ଭୁଲ୍ ଭୁଲେୟା ୨” ରେ ଧମାଲ୍ କରିଥିଲା । ଏନେଇ ଚଳିତବର୍ଷ ରିଲିଜ୍ ହେବାକୁ ଥିବା ଫିଲ୍ମ “ସତ୍ୟପ୍ରେମ କି କଥା” ବହୁତ ଭଲ ହେବ ବୋଲି ପ୍ରଶଂସକ ଏବଂ ନିର୍ମାତା ଆଶା ରଖିଛନ୍ତି । ଏହି ଚଳଚ୍ଚିତ୍ରରେ କିଆରା ଏବଂ କାର୍ତ୍ତିକଙ୍କ ବ୍ୟତୀତ ଗଜରାଜ ରାଓ ଏବଂ ପାଠକ୍ ମଧ୍ୟ ଅଭିନୟ କରୁଥିବାର ନଜର ଆସିଛନ୍ତି ।
