ଏନଏନଏସ୍: ପୁଣି ଥରେ ଆମେରିକାରେ ଗୁଳିକାଣ୍ଡ । ନ୍ୟୁ ମେକ୍ସିକୋର ଫାର୍ମିଙ୍ଗଟନରେ ଗୁଳିକାଣ୍ଡରେ ତିନି ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଲୋକ ଆହତ ହୋଇଛନ୍ତି। ଏଥିସହ ୨ଜଣ ପୋଲିସଙ୍କ ସମେତ ଅନ୍ୟ ୭ଜଣ ଗୁରୁତର ଆହତ ହୋଇଛନ୍ତି । ଏନେଇ ସୋସିଆଲ ମିଡ଼ିଆରେ ପୋଲିସ ସୂଚନା ଜାରି କରିଛି ।
ପୋଲିସ ସୋସିଆଲ ମିଡିଆ ପୋଷ୍ଟରେ କହିଛି ଯେ, ବ୍ରୁକସାଇଡ୍ ପାର୍କ ଅଞ୍ଚଳରେ ରାତି ୧୧ ଟା ପରେ ଗୁଳି ବିନିମୟ ହୋଇଥିଲା । ସ୍ଥାନୀୟ ଅଞ୍ଚଳରେ ଜଣେ ବ୍ୟକ୍ତି ରାସ୍ତାରେ ବନ୍ଧୁକ ଧରି ଗୁଳିକାଣ୍ଡ ଘଟାଇଥିଲା । ଏନକାଉଣ୍ଟର ବେଳେ ସନ୍ଦିଗ୍ଧ ବନ୍ଧୁକଧାରୀଙ୍କୁ ଘଟଣାସ୍ଥଳରେ ହତ୍ୟା କରାଯାଇଛି। କିନ୍ତୁ ପୋଲିସ ଘଟଣାର ସାମ୍ନା କରିବା ବେଳକୁ ୩ ଜଣଙ୍କର ପ୍ରାଣ ଚାଲିଯାଇଥିଲା । ଅନ୍ୟପଟେ ପୋଲିସ ଉକ୍ତ ଘଟଣାର ଯାଞ୍ଚ ଆରମ୍ଭ କରିଥିବା ବେଳେ ସହରର ସମସ୍ତ ସ୍କୁଲ୍ ବନ୍ଦ ରହିଛି ।
