ମୁମ୍ବାଇରେ ଟ୍ରାଫିକ୍ ବ୍ୟବସ୍ଥା ଅନେକ ସମୟରେ ସମସ୍ୟାରେ ପକାଇଥାଏ । ସେ ସାଧାରଣ ମଣିଷ ହୁଅନ୍ତୁ କି ସୁପରଷ୍ଟାର କେହି ବି ଏହି ସମସ୍ୟାରୁ ବାଦ୍ ପଡିନାହାଁନ୍ତି । ଠିକ୍ ଏଭଳି ଘଟଣା ବିଗ୍ ବି ଅମିତାଭ ବଚ୍ଚନଙ୍କ ସହ ଘଟିଯାଇଛି । ସୂଚନାଯୋଗ୍ୟ ମୁମ୍ବାଇରେ ଏଭଳି ଟ୍ରାଫିକ୍ ଜାମ୍ ସମସ୍ୟାରେ ବିଗ୍ ବି ଫସିଥିବାର ଦୃଶ୍ୟ ଦେଖିବାକୁ ମିଳିଛି ।
ବଲିଉଡ୍ ସୁପରଷ୍ଟାର ଅମିତାଭ ବଚ୍ଚନ ନିଜର ନିଖୁଣ ଅଭିନୟ ପାଇଁ ବେଶ୍ ଜଣାଶୁଣା । ସବୁଠାରୁ ବଡ କଥା ହେଉଛି ସେ ସର୍ବଦା ସମାୟାନୁବର୍ତ୍ତୀତା ଉପରେ ଧ୍ୟାନ ଦେଇଥାନ୍ତି । ବିଗ୍ ବି ଙ୍କୁ କୌଣସି ସ୍ଥାନକୁ ବିଳମ୍ବରେ ପହଞ୍ଚିବା ପସନ୍ଦ ନୁହେଁ । ଏପରିକି ସେ ଫିଲ୍ମ ସୁଟିଂ ସେଟ୍ କୁ ମଧ୍ୟ ବିଳମ୍ବରେ ପହଞ୍ଚିବାକୁ ପସନ୍ଦ କରିନ୍ତି ନାହିଁ । ଏସବୁ ମଧ୍ୟରେ ଗତ କିଛି ଦିନ ତଳେ ସୁଟିଂ ସେଟ୍ କୁ ଯିବା ସମୟରେ ବିଗ୍ ବି ଟ୍ରାଫିକ୍ ଜାମ୍ ରେ ଫସି ଯାଇଥିଲେ । ଏହି ସମୟରେ ସେ ଜଣେ ଅଜଣା ବ୍ୟକ୍ତିଙ୍କୁ ସାହାଯ୍ୟ ମାଗିଥିଲେ । ଫଳରେ ବିଗ୍ ବି ଜଣେ ଅଜଣା ଯୁବକଙ୍କୁ ଲିଫ୍ଟ ମାଗି ସୁଟିଂ ସେଟ୍ ରେ ପହଞ୍ଚିଛନ୍ତି । ପରେ ତାଙ୍କୁ ଏକ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଧନ୍ୟବାଦ ଜଣାଇଛନ୍ତି ।
https://www.instagram.com/p/CsO9OTehTN9/?utm_source=ig_web_copy_link
ସୋସିଆଲ ମିଡ଼ିଆରେ ଫଟୋ ସେୟାର କରିବା ସହ ବିଗ୍ ବି ଲେଖିଛନ୍ତି, “ସାହାଯ୍ୟ ପାଇଁ ଧନ୍ୟବାଦ. . . ଆପଣ ଜାଣି ନାହାଁନ୍ତି . . . କିନ୍ତୁ ବହୁତ ବଡ ସାହାଯ୍ୟ ଆପଣ କରିଛନ୍ତି ଏବଂ ମତେ ମୋ କାର୍ଯ୍ୟ ସ୍ଥଳରେ ସଠିକ୍ ସମୟରେ ପହଞ୍ଚାଇଛନ୍ତି । ଟ୍ରାଫିକ୍ ଜାମ୍ ରୁ ରକ୍ଷା କରିଥିବାରୁ ଆପଣଙ୍କୁ ଧନ୍ୟବାଦ ।”
