ଟ୍ୱିଟରର ନୂଆ ସିଇଓ ହେଲେ ଲିଣ୍ଡା ୟାକାରିନୋ (Linda Yaccarino) । ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ଏଲୋନ୍ ମସ୍କ । ଏହାସହ ସେ ନୂଆ CEOଙ୍କୁ ସ୍ୱାଗତ କରିଛନ୍ତି । ଜଣେ ମହିଳା ଟ୍ୱିଟରର ସିଇଓ ପଦ ସମ୍ଭାଳିବେ ବୋଲି ଚର୍ଚ୍ଚା ହେଉଥିଲା, ଯାହା ସତ ହୋଇଛି ।
ଏଲନ୍ ମସ୍କ ଟ୍ୱିଟ୍ କରି ପୋଷ୍ଟ କରିଛନ୍ତି, “ମୁଁ ଟ୍ୱିଟରର ନୂଆ ସିଇଓ ରୂପେ ଲିଣ୍ଡା ୟାକାରିନୋଙ୍କୁ ସ୍ୱାଗତ କରିବା ନେଇ ଉତ୍ସାହିତ ଅଛି । ସେ ମୁଖ୍ୟତ ବ୍ୟବସାୟିକ କାର୍ଯ୍ୟ ଉପରେ ଧ୍ୟାନ ଦେବେ, ଏବଂ ମୁଁ ଉତ୍ପାଦର ଡିଜାଇନ୍ ଏବଂ ନୂତନ ପ୍ରଯୁକ୍ତିବିଦ୍ୟା ଉପରେ ଧ୍ୟାନ ଦେବି ବୋଲି ମସ୍କ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ଏହି ପ୍ଲାଟଫର୍ମକୁ X, ଦ ଏର୍ଭିଥିଙ୍ଗ୍ ଆପ୍ ରେ ରୂପାନ୍ତର କରିବା ପାଇଁ ଲୀଣ୍ଡାଙ୍କ ସହ କାମ କରିବାକୁ ଉତ୍ସାହିତ ଅଛି। ଅନ୍ୟପଟେ ମସ୍କଙ୍କ ଭୂମିକା କାର୍ଯ୍ୟନିର୍ବାହୀ ଚେୟାରମ୍ୟାନ୍ ଏବଂ CTO, “ଉତ୍ପାଦ, ସଫ୍ଟୱେର୍ ଏବଂ ସିଷ୍ଟମ୍ ଅପରେସନ୍ ତଦାରଖ” କୁ ସ୍ଥାନାନ୍ତରିତ ହେବ ।
