ସାମ୍ନାକୁ ଆସିଲା ବହୁପ୍ରତିକ୍ଷିତ ଫିଲ୍ମ “ଆଦିପୁରୁଷ” ର ଟ୍ରେଲର । ରାମାୟଣ ଉପରେ ଆଧାରିତ ଏହି ବିଗ୍ ବଜେଟର ଫିଲ୍ମ ଆସନ୍ତା ୧୬ ଜୁନରେ ରିଲିଜ ହେବ । ଏହି ଫିଲ୍ମରେ ରାମ ଭୂମିକାରେ ପ୍ରଭାସ ଅଭିନୟ କରୁଥିବା ବେଳେ କୃତି ସେନନ ସୀତା ଭୂମିକାରେ ଅଭିନୟ କରୁଛନ୍ତି । ଲକ୍ଷ୍ମଣ ଭୂମିକାରେ ସନ୍ନି ସିଂ ଅଭିନୟ କରୁଥିବା ବେଳେ ସୈଫ୍ ଅଲ୍ଲୀ ଖାନଙ୍କୁ ରାବଣ ଭୂମିକାରେ ଅଭିନୟ କରୁଥିବା ଦେଖିବାକୁ ମିଳିବ । ପ୍ରଥମଥର ପାଇଁ ପ୍ରଭାସ ଓ କୃତି ସେନନଙ୍କୁ ଏକାଠି ସ୍କ୍ରିନରେ ଦେଖିବାକୁ ମିଳିବ । ତେବେ ଟ୍ରେଲର ରିଲିଜ ହେବାର କିଛି ଘଣ୍ଟା ମଧ୍ୟରେ ଲକ୍ଷ ଲକ୍ଷ ଲୋକ ଏହାକୁ ଦେଖି ସାରିଲେଣି । ଏପରିକି ଫିଲ୍ମର ଟ୍ରେଲରକୁ ନେଇ ସୋସିଆଲ ମିଡ଼ିଆରେ ଜୋରଦାର ଚର୍ଚ୍ଚା ମଧ୍ୟ ହେଉଛି ।
ଓମ ରାଉତଙ୍କ ନିର୍ଦ୍ଦେଶିତ ଆଦିପୁରୁଷ ଟି-ସିରିଜ୍, ଭୂଷଣ କୁମାର ଏବଂ କୃଷ୍ଣ କୁମାର, ଓମ୍ ରାଉତ, ପ୍ରସାଦ ସୂତାର ଏବଂ ଟଠ କ୍ରିଏସନର ରେଟ୍ରୋଫାଇଲ୍ସ, ପ୍ରମୋଦ ଏବଂ ୱାମସିର ରାଜେଶ ନାୟରଙ୍କ ଦ୍ୱାରା ନିର୍ମିତ । ଆଦିପୁରୁଷ ଫିଲ୍ମ ପାନ ଇଣ୍ଡିଆ ଫିଲ୍ମ ଭାବେ ରିଲିଜ ହେବ । ଅଥାର୍ତ ହିନ୍ଦୀ ଭାଷା ସମେତ ଅନ୍ୟ କିଛି ଭାଷାରେ ମଧ୍ୟ ଏହି ଫିଲ୍ମ ରିଲିଜ ହେବ ।
