ଏନଏନଏସ୍: ଶିକ୍ଷକଙ୍କ ଗଳା କାଟି ହତ୍ୟା। ସମ୍ବଲପୁର ଜିଲ୍ଳା କୁଚିଣ୍ଡାରେ ଶିକ୍ଷକଙ୍କୁ ଗଳା କାଟି ହତ୍ୟା କରାଯାଇଥିବା ଅଭିଯୋଗ ହୋଇଛି। କୁଚିଣ୍ଡା ଥାନା ୪୯ ନମ୍ବର ଜାତୀୟ ରାଜପଥ ଖର୍ଲା ପୋଲ ନିକଟରେ ନିକଟରେ ଆଜି ଶିକ୍ଷକଙ୍କ ମୃତଦେହ ଠାବ ହୋଇଛି। ଶିକ୍ଷକଙ୍କ ମୃତଦେହ ପଡ଼ିଥିବା ଦେଖିବା ପରେ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ଖବର ପାଇବା ମାତ୍ରେ ଘଟଣାସ୍ଥଳରେ ପୋଲିସ୍ ପହଞ୍ଚି ତଦନ୍ତ ଆରମ୍ଭ କରିଛି।
ମୃତ ଶିକ୍ଷକଙ୍କ ନାମ ପୃଥ୍ୱୀରାଜ ମହାନନ୍ଦ। ତାଙ୍କ ବୟସ ୩୮ ବର୍ଷ। ସେ ମନ୍ତ୍ରୀମୁଣ୍ଡା ପ୍ରାଥମିକ ବିଦ୍ୟାଳୟରେ ଶିକ୍ଷକତା କରୁଥିଲେ। କୁଚିଣ୍ଡା ଏନଏସିର ୬ ନମ୍ବର ୱାର୍ଡରେ ସ୍ତ୍ରୀ ଓ ପୁଅ ସହିତ ରହୁଥିଲେ ପୃଥ୍ୱୀରାଜ ମହାନନ୍ଦ। ସୂଚନା ଅନୁଯାୟୀ ଗତକାଲି ଅପରାହ୍ନ ପ୍ରାୟ ୪ଟାରେ ଶିକ୍ଷକ ସ୍କୁଟି ଧରି ବାହାରକୁ ଯାଇଥିଲେ, ହେଲେ ତା’ ପର ଠାରୁ ଘରକୁ ଫେରିନଥିଲେ। ଆଜି ସକାଳେ ତାଙ୍କର ମୃତଦେହ ଠାବ ହୋଇଛି।
