ଶାଢ଼ି କିଣିବାକୁ ନେଇ ଗଣ୍ଡଗୋଳ । ଗୋଟିଏ ଶାଢ଼ି ପାଇଁ ଚୁଟି ଝିଙ୍କାଝିଙ୍କି ହୋଇ ମାଡ଼ ମରାମରି ହେଲେ ଦୁଇ ମହିଳା । ଏଭଳି ଏକ ଅଭାବନୀୟ ଘଟଣା ବେଙ୍ଗାଲୁରରେ ଘଟିଥିବା ଦେଖିବାକୁ ମିଳିଛି, ଯାହାର ଭିଡ଼ିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି । ଭିଡିଓରେ ଦୁଇଜଣ ମହିଳା ଖୁବ୍ ଜୋରରେ ଗଣ୍ଡଗୋଳ କରୁଥିବାର ଦୃଶ୍ୟମାନ ହେଉଛି ।
ଏମିତିକି ଜଣେ ମହିଳା ଅନ୍ୟ ଜଣେ ମହିଳାଙ୍କୁ ପ୍ରଥମେ ମାଡ଼ ମରିବା ପରେ ଘଟଣାଟି ଉଗ୍ରରୂପ ଧାରଣ କରିଥିଲା । ଦୁଇଜଣ ମହିଳା ପରସ୍ପରଙ୍କ ମଧ୍ୟରେ ଖୁବ୍ ଜୋରରେ ମାରପିଟ୍ ହେଉଛନ୍ତି । ଜଣେ ମହିଳା ଅନ୍ୟ ଜଣେ ମହିଳାଙ୍କର ଚୁଟିକୁ ଝିଙ୍କିବା ସହ ତଳେ ଫିଙ୍ଗି ଦେବାକୁ ଉଦ୍ୟମ କରୁଛନ୍ତି । ଜଣେ ଟ୍ୱିଟର ୟୁଜର୍ସ ଏହି ଭିଡିଓଟିକୁ ସୋସିଆଲ ମିଡିଆରେ ସେୟାର କରିଛନ୍ତି । ଭାଇରାଲ ହେଉଥିବା ଏହି ଭିଡିଓରେ ଦେଖିବାକୁ ମିଳିଛି ଯେ, ଦୁଇଜଣ ମହିଳାଙ୍କ ମଧ୍ୟରେ ହେଉଥିବା ଗଣ୍ଡଗୋଳ ସମୟରେ ସାଧାରଣ ଜନତା ସେଠାରେ ଉପସ୍ଥିତ ଥିଲେ କିନ୍ତୁ କେହି ବି ସେମାନଙ୍କୁ ଅଟକାଇବାକୁ ପ୍ରୟାସ କରୁନାହାନ୍ତି । ପରେ ସେଠାରେ ଉପସ୍ଥିତ ଥିବା କିଛି ସୁରକ୍ଷାକର୍ମୀ ଝଗଡା ବନ୍ଦ କରିବାକୁ ପ୍ରୟାସ କରିଥିଲେ ।
Mysore silk saree yearly sale @Malleshwaram .. two customers fighting over for a saree.👆🤦♀️RT pic.twitter.com/4io5fiYay0
— RVAIDYA2000 🕉️ (@rvaidya2000) April 23, 2023
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ମହୀଶୂର ରେଶମ ଶାଢ଼ିର ବାର୍ଷିକ ବିକ୍ରୟ ଉତ୍ସବରେ ଏପରି ଘଟଣା ଘଟିଥିବା ଦର୍ଶାଯାଇଛି। ଏହି ଭିଡିଓଟିକୁ ବର୍ତ୍ତମାନ ସୁଦ୍ଧା ୨ଲକ୍ଷରୁ ଅଧିକ ଦର୍ଶକ ଦେଖିସାରିଥିବା ବେଳେ ଅନେକ ୟୁଜର୍ସ ନିଜର ମତାମତ ଜଣାଇଛନ୍ତି ।
