ମହାପ୍ରଭୁଙ୍କ ରଥଯାତ୍ରା ପାଇଁ ଚାଲିଛି ତୁମ୍ଭ ନିର୍ମାଣ କାର୍ଯ୍ୟ

ପୁରୀ(ଏନଏନଏସ୍‌): ମହାପ୍ରଭୁଙ୍କ ରଥଯାତ୍ରାଙ୍କ ପାଇଁ ଆରମ୍ଭ ହୋଇଛି ପ୍ରସ୍ତୁତି କାର୍ଯ୍ୟ । ଗତକାଲି ଅକ୍ଷୟ ତୃତୀୟାରେ ରଥ କାଠ ଅନୁକୁଳ ହୋଇଥିଲା । ଆଜି ରଥଖଳାରେ ତୁମ୍ଭ କାର୍ଯ୍ୟ ଆରମ୍ଭ ହେଇଯାଇଛି । କରତିଆ ସେବକଙ୍କ ଦ୍ୱାରା ରଥଖଳାରେ ଏହି କାର୍ଯ୍ୟ ଆରମ୍ଭ ହୋଇଛି । ଉଲ୍ଲେଖ ଅନୁଯାୟୀ ଅକ୍ଷୟ ତୃତୀୟାରେ ରଥ ନିର୍ମାଣ ଓ ଭଉଁରୀରେ ତିନି ରଥର ଅଖ-ଚକ ସଂଯୋଗ ହେବାର ପରମ୍ପରା ରହିଛି । ଏନେଇ ରଥଖଳାରେ କାମ ଆରମ୍ଭ ହୋଇସାରିଛି । ଅନ୍ୟପଟେ ରଥଖଳାରେ ବାହାର ଲୋକଙ୍କ ପ୍ରବେଶ ନିଷେଧ ନେଇ କଟକଣା ଜାରି କରାଯାଇଛି।