ଯାଜପୁର(ଏନଏନଏସ୍): ଜାମ୍ମୁ-କାଶ୍ମୀର ପୁଞ୍ଚ୍ ରେ ଆତଙ୍କବାଦୀ ଆକ୍ରମଣରେ ୫ଜଣ ଯବାନ ସହିଦ ହୋଇଥିଲେ । ସହିଦ୍ ଯବାନଙ୍କ ମଧ୍ୟରେ ଜଣେ ଓଡିଆ ଯବାନ ଥିଲେ । ସୂଚନାଯୋଗ୍ୟ ଓଡ଼ିଆ ଯବାନ ସାଥୀ ଯବାନଙ୍କ ସହିତ ସେନା ଟ୍ରାକରେ ଭିମ୍ବର ଗଲିରୁ ପୁଞ୍ଚ୍ କୁ ଯାଇଥିବାବେଳେ ଆତଙ୍କବାଦୀଙ୍କ ଆକ୍ରମଣର ଶିକାର ହୋଇଥିଲେ। ସହିଦ୍ ଯବାନ ଦେବାଶିଷଙ୍କ ଘର ପୁରୀ ଜିଲ୍ଲା ସତ୍ୟବାଦୀର ଖଣ୍ଡାୟତ ସାହିରେ । ତେବେ ଏଭଳି ଦୁଃଖଦ ଘଟଣାରେ ଯାଜପୁର ସୁକିନ୍ଦାରେ ଯବାନଙ୍କ ସ୍ମୃତି ଉଦେଶ୍ୟରେ ଏକ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇଛି ।
ସୁକିନ୍ଦାର ସଚେତନ ଯୁବକମାନଙ୍କ ଦ୍ୱାରା ସ୍ଥାନୀୟ ବଡଦାଣ୍ଡରେ ଏହି କ୍ୟାଣ୍ଡେଲ ଶୋଭାଯାତ୍ରା ଆୟୋଜିତ ହୋଇଯାଇଛି । ଆତଙ୍କି ହାମଲାରେ ସହିଦ ହୋଇଥିବା ଯବାନଙ୍କ ଖବର ପ୍ରସାରଣ ପରେ ସାରା ଦେଶରେ ଶୋକର ଛାୟା ଖେଳିଯାଇଛି ।
