ପ୍ରଥମ ମହିଳା ବାୟୁସେନା ଅଧିକାରୀ ଭାବେ ପଦକ ପାଇଲେ ୱିଙ୍ଗ୍ କମାଣ୍ଡର ଦୀପିକା ମିଶ୍ର । ଗତକାଲି ଭାରତୀୟ ବାୟୁସେନାର ପ୍ରଥମ ମହିଳା ଅଧିକାରୀ ଭାବେ ୱିଙ୍ଗ୍ କମାଣ୍ଡାର ଦୀପିକା ମିଶ୍ରଙ୍କୁ ବାୟୁସେନାର ପଦକ ପ୍ରଦାନ କରାଯାଇଛି । ମଧ୍ୟପ୍ରଦେଶରେ ବନ୍ୟା ରିଲିଫ୍ ଅଭିଯାନ ସମୟରେ ଅସାମନ୍ୟ ଶକ୍ତି ପ୍ରଦର୍ଶନ କରିଥିବା ରାଜସ୍ଥାନବାସିନ୍ଦା, ହେଲିକାପ୍ଟର୍ ପାଇଲଟ ୱିଙ୍ଗ୍ କମାଣ୍ଡର୍ ମିଶ୍ରଙ୍କୁ ବାୟୁସେନା ପଦକ ପ୍ରଦାନ କରାଯାଇଛି ।
ଏହି ଅଭିଯାନ ସମୟରେ ସେ ମହିଳା ଓ ପିଲାଙ୍କ ସମେତ ୪୭ ଜଣଙ୍କ ଜୀବନ ରକ୍ଷା କରିଥିଲେ । ନୂଆ ଦିଲ୍ଲୀ ସୁବ୍ରତ ପାର୍କସ୍ଥିତ ବାୟୁସେନା ଅଡିଟୋରିୟମରେ ଆୟୋଜିତ ଅଧିଷ୍ଠାପନ ସମାରୋହରେ ବାୟୁସେନା ମୁଖ୍ୟ ଏୟାର ଚିଫ୍ ମାର୍ସାଲ୍ ଭି ଆର ଚୌଧୁରୀ କେତେକ ଅଧିକାରୀ ଓ ବାୟୁସେନା ଯୋଦ୍ଧାଙ୍କୁ ଯୁଦ୍ଧ ସେବା ପଦକ ଏବଂ ଅନ୍ୟାନ୍ୟ ପୁରସ୍କାର ପ୍ରଦାନ କରିଛନ୍ତି ।
