କାମକୁ ଯିବା ବେଳେ ପଛପଟୁ ଧକ୍କା ଦେଲା ଗାଡି, ଘଟଣାସ୍ଥଳରେ ୧ ମୃତ

ବଡଚଣା(ଏନଏନଏସ୍): ବଡଚଣା ନେଳିଆ ଓଭରବ୍ରିଜ ନିକଟରେ ଦୁର୍ଘଟଣା, ଜଣେ ମୃତ । ୧୬ ନଂ ଜାତୀୟ ରାଜପଥ ଛତିଆ ନିକଟସ୍ଥ ନେଳିଆ ଓଭରବ୍ରିଜ ନିକଟରେ ଦୁର୍ଘଟଣା ଘଟି ଜଣଙ୍କର ମୃତୁ୍ୟ ହୋଇଥିବା ଜଣାପଡିଛି । ସୂଚନା ମୁତାବକ, ନେଳିଆ ପଂଚାୟତ ପଦଲାପୁର ଗାଁର ନବଘନ ରାଉତଙ୍କ ପୁଅ ସିପୁନା ରାଉତ ଆଜି ସକାଳୁ ଚଷୁ ଗାଡିରେ କାମ କରିବା ପାଇଁ ଯାଉଥିବା ବେଳେ ପଛପଟୁ ଏକ ଗାଡି ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ସିପୁନାଙ୍କର ମୃତ୍ୟୁ ହୋଇଥିଲା । ଖବରପାଇ ଛତିଆ ବିଟହାଉସ ପୋଲିସ ଘଟଣାସ୍ଥଳରେ ପହଂଚି ମୃତଦେହ ଜବତ କରିବାସହ ବ୍ୟବଚ୍ଛେଦ ପାଇଁ ବଡଚଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିବା ଜଣାପଡିଛି ।