ବଲାଙ୍ଗୀର,୧୦.୦୪.୨୦୨୩ (ଏନଏନଏସ ଓଡ଼ିଆ) : ବଲାଙ୍ଗୀର ଫେକ୍ ସାର୍ଟିଫିକେଟ ମାମଲାରେ ପୁଣି ୪ ଜଣକୁ ତଦନ୍ତ ପାଇଁ ଉଠାଇନେଇଛି କ୍ରାଇମବ୍ରାଞ୍ଚ । ଏହା ସହିତ ଅଟକ ସଂଖ୍ୟା ୭କୁ ବୃଦ୍ଧି ଘଟିଛି । ଗତକାଲି ୩ଜଣଙ୍କୁ ନେଇ ପଚରାଉଚରା କରୁଥିଲା କ୍ରାଇମବ୍ରାଞ୍ଚ । ଅଭିଯୁକ୍ତ ତ୍ରିବିହାରିର ମୋବାଇଲରୁ ଡିଲିଟ ଡାଟା ରିକଭର କରିବା ସହ ଜବତ ଲ୍ୟାପଟପ, କମ୍ପ୍ୟୁଟର, ମୋବାଇଲ ଓ ହାର୍ଡଡିକ୍ସକୁ ପରୀକ୍ଷା ପାଇଁ ରସୁଲଗଡର ଟେଷ୍ଟ ଫରେନସିକ୍ ଲ୍ୟାବକୁ ପଠାଇଲା କ୍ରାଇମବ୍ରାଞ୍ଚ ।
ଆଜି ପୁଣି ରିମାଣ୍ଡ ପାଇଁ ଆବେଦନ କରିପାରେ କ୍ରାଇମବ୍ରାଞ୍ଚ । ରାକେଟର ଚେର ସହିତ ଚାଲିଛି ଆର୍ଥିକ କାରବାରର ଖୋଳତାଡ଼। ଜେରାରେ ଅଭିଯୁକ୍ତଙ୍କଠୁ ମିଳିଥିବା ତଥ୍ୟ ଆଧାରରେ ବିଭିନ୍ନ ସ୍ଥାନରେ ଚାଲିଛି ଘନ ଘନ ଚଢାଉ କରାହେଉଛି । କ୍ରାଇମବ୍ରାଞ୍ଚର ସ୍କାନରରେ ରହିଛନ୍ତି ୨୦୦ରୁ ଅଧିକ ଲୋକ। ଟାର୍ଗେଟରେ ମିଡିଲ ମ୍ୟାନ୍ । ନକଲି ସାର୍ଟିଫିକେଟ ନେଇ ଚାକିରି କରିଥିବା ଲୋକଙ୍କର ବି ତାଲିକା ପ୍ରସ୍ତୁତ ହୋଇଛି। ରିଲାଏନ୍ସ କୋଚିଂ ସେଣ୍ଟରରେ ଏକାଧିକ ଥର ଚଢାଉ ପରେ ତଦନ୍ତକାରୀ ଟିମ୍ ହାତରେ ଲାଗିଛି ଗୁରୁତ୍ବପୂର୍ଣ୍ଣ ତଥ୍ୟ ପ୍ରମାଣ।
