ଏପ୍ରିଲ ୧ରୁ ୨ ହଜାର ଟଙ୍କାରୁ ଅଧିକ ଟଙ୍କାର କୌଣସି ୟୁପିଆଇ ପେମେଣ୍ଟ କରୁଥିଲେ ,ଦେବାକୁ ପଡିବ ୧.୧ ପ୍ରତିଶତ ଅଧିକ ଟଙ୍କା

ନୂଆଦିଲ୍ଲୀ,(ଏନଏନଏସ ଓଡ଼ିଆ /୨୯.୦୩): ଆପଣ ଯଦି ଅନଲାଇନରେ ଟଙ୍କା ଦେବାନେବା କରୁଛନ୍ତି । ଫୋନ୍ ପେ, ଗୁଗୁଲ ପେ ଆଉ ପେଟିଏମ୍ ଭଳି ଆପରେ ଟଙ୍କା ପଠାଉଛନ୍ତି । ତେବେ ଆପଣଙ୍କ ପାଇଁ ଆସିଛି ଗୁରୁତ୍ୱପୂର୍ଣ୍ଣ ଖବର । ଆସନ୍ତା ଏପ୍ରିଲ ୧ ତାରିଖରୁ ମହଙ୍ଗା ହେବାକୁ ଯାଉଛି ୟୁପିଆଇ ପେମେଣ୍ଟ । ଏଣିକି ଆଉ ମାଗଣା ନୁହେଁ ବରଂ ୟୁପିଆଇ ପେମେଣ୍ଟ ପାଇଁ ଅଧିକ ଟଙ୍କା ଗଣିବେ ସାଧାରଣ ୟୁଜର୍ସ ।
ନ୍ୟାସନାଲ ପେମେଣ୍ଟ କର୍ପୋର୍ରେସନ୍ ଅଫ୍ ଇଣ୍ଡିଆ ୟୁପିଆଇ ପେମେଣ୍ଟକୁ ନେଇ ଏକ ସର୍କୁଲାର ଜାରି କରିଛି । ଏହି ସର୍କୁଲାରେ ଏପ୍ରିଲ ୧ ତାରିଖରୁ ୟୁପିଆଇ ପେମେଣ୍ଟ ଉପରେ ପିପିଆଇ ଚାର୍ଜ ଲାଗୁ କରିବାକୁ ସୁପାରିଶ କରାଯାଇଛି । ତେବେ ଏହି ପିପିଆଇ ଚାର୍ଜ ହେଉଛି ଏକପ୍ରକାରର ଅତିରିକ୍ତ ଚାର୍ଜ । ଯାହା ଏବେ ୟୁଜର୍ସମାନଙ୍କୁ ୟୁପିଆଇ ପେମେଣ୍ଟ ବେଳେ ଦେବାକୁ ପଡିବ ।
ଜାରି କରାଯାଇଥିବା ସର୍କୁଲାର ମୁତାବକ, ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ ୟୁପିଆଇ ପେମେଣ୍ଟ ଉପରେ ୦.୫ ପ୍ରତିଶତରୁ ୧.୧ ପ୍ରତିଶତ ପିପିିଆଇ ଚାର୍ଜ ଲଗାଇବାକୁ ଯୋଜନା କରୁଛି । କେବଳ ୨ ହଜାର ଟଙ୍କାରୁ ଅଧିକ ପେମେଣ୍ଟ ଉପରେ ଏହି ପିପିଆଇ ଚାର୍ଜ ଲାଗୁ ହେବ । ତେଣୁ ସରଳ ଭାଷାରେ କହିବାକୁ ଗଲେ, ଆପଣ ଯଦି ଏପ୍ରିଲ ୧ ତାରିଖ ପରେ ୨ ହଜାର ଟଙ୍କାରୁ ଅଧିକ ଟଙ୍କାର କୌଣସି ୟୁପିଆଇ ପେମେଣ୍ଟ କରୁଛନ୍ତି, ତେବେ ଏଥିପାଇଁ ଆପଣଙ୍କୁ ୧.୧ ପ୍ରତିଶତ ଅଧିକ ଟଙ୍କା ଦେବାକୁ ପଡିପାରେ ।