ଭଦ୍ରକରେ ପୁଣି ଗୋରୁ ବୋଝେଇ ଗାଡି ଜବତ। ୧୬ ନମ୍ବର ଜାତୀୟ ରାଜପଥ ଚଣ୍ଡିଖୋଲରୁ କୋଲକତା ଯାଉଥିବା ୨ଟି ବେଆଇନ ଗୋରୁ ବୋଝେଇ ପିକଅପ୍ ଭ୍ୟାନ୍କୁ ଜବତ କରିଛି ପୋଲିସ । ୨ଟି ପିକଅପ୍ ଭ୍ୟାନରେ ୪୦ରୁ ଅଧିକ ଗୋରୁ ଥିବା ସୂଚନା ମିଳିଛି। ୨ଟି ପିକଅପ ଗାଡ଼ିରେ ୪୦ରୁ ଉର୍ଦ୍ଧ୍ୱ ଗୋରୁଙ୍କୁ ଉଦ୍ଧାର କରାଯାଇଥିବା ସୂଚନା ମିଳିଛି । ସୂଚନା ଅନୁଯାୟୀ, ମଙ୍ଗଳବାର ଭୋର ସମୟରେ ୧୬ ନଂ ଜାତୀୟ ରାଜପଥର ଚଣ୍ଡିଖୋଲ ଆଡୁ ଭଦ୍ରକକୁ ବେଆଇନ ଭାବେ ଗୋରୁ ବୋଝେଇ ପିକଅପ ଭ୍ୟାନ ଆସୁଥିଲା । ଏହି ଖବର କିଛି ସ୍ଥାନୀୟ ଲୋକ ପାଇ ଭଦ୍ରକ ଗେଲପୁର ଛକ ନିକଟରେ ପିକଅପ ଗାଡିକୁ ଅଟକାଇଥିଲେ । ଦୁଇଟି ଗାଡିକୁ ଅଟକ ରଖାଯାଇଥିବା ବେଳେ ଆଉ ଦୁଇଟି ପିକଅପ୍ ଘଟଣାସ୍ଥଳରୁ ଖସିବାକୁ ସକ୍ଷମ ହୋଇଥିଲେ । ଦୁଇଟି ଗାଡିକୁ ଅଟକାଇ ସ୍ଥାନୀୟ ଲୋକ ପୋଲିସକୁ ହସ୍ତାନ୍ତର କରିଥିଲେ । ଭଦ୍ରକ ଗ୍ରାମାଞ୍ଚଳ ପୋଲିସ ଘଟଣା ସ୍ଥଳରେ ପହଞ୍ଚି ଗୋରୁ ଗୁଡିକ ଉଦ୍ଧାର କରିବା ସହ ଗାଡିକୁ ଜବତ କରି ଅଧିକ ତଦନ୍ତ ଚଳାଇଛି । ଭଦ୍ରକରେ ବେଆଇନ ଗୋରୁ ଗାଡିକୁ ନେଇ ଅନେକ ସମୟରେ ଅପ୍ରୀତିକର ପରିସ୍ଥିତି ଉପୁଜିଛି । କିନ୍ତୁ ଗୋରୁ ଚାଲାଣ ଗାଡି କିପରି ଓ କେଉଁଠିକି ଯାଉଛି ପୋଲିସ ତାର କିଛି ବି ଟେର୍ ପାଉନି । ବରଂ ସ୍ଥାନୀୟ ଲୋକ ଗୋରୁ ଗାଡିକୁ ଜବତ କରି ପୋଲିସକୁ ହସ୍ତାନ୍ତର କରୁଛନ୍ତି । ପୋଲିସ ଏ ଘଟଣା ଜାଣି ଶୁଣି ଚୁପ ରହୁଛି ନା ଏ ସମ୍ପର୍କରେ କିଛି ବି ସୁରାଗ ପାଇ ପାରୁନି ତାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ସନ୍ଦେହ ଉପୁଜିଛି ।
ଭଦ୍ରକରେ ଗୋରୁ ବୋଝେଇ ଗାଡି ଜବତ ; ୨ଟି ପିକଅପ୍ ଭ୍ୟାନରେ ୪୦ରୁ ଅଧିକ ଗୋରୁ ଥିବା ସୂଚନା
Plugin Install : Subscribe Push Notification need OneSignal plugin to be installed.
