ପାରମ୍ପରିକ ବନାରସୀ ଶାଢୀ ପିନ୍ଧି ଓସ୍କାର ପୁରସ୍କାର ଗ୍ରହଣ କଲେ ଗୁନୀତ ମୁଙ୍ଗା

ଭୁବନେଶ୍ବର,(ଏନଏନଏସ ଓଡ଼ିଆ /୧୭.୦୩): ସର୍ବଶ୍ରେଷ୍ଠ ପ୍ରାମାଣିକ ଚଳଚ୍ଚିତ୍ର “ଦ’ ଏଲିଫ୍ୟାଣ୍ଟ ହ୍ୱିସପରସ୍‌”କୁ ଓସ୍କାର ସମ୍ମାନ ମିଳିଛି । ପାରମ୍ପରିକ ବନାରସୀ ଶାଢୀ ପିନ୍ଧି ଓସ୍କାର ପୁରସ୍କାର ଗ୍ରହଣ କରିଥିଲେ ଗୁନୀତ ମୁଙ୍ଗା । ଏହି ସିନେମାର ନିର୍ଦେଶନା ଦେଇଥିବା କାର୍ତିକ ଗୋନସାଲଭେସ୍‌ଙ୍କୁ ମଧ୍ୟ ଓସ୍କାର ମିଳିଛି । ଗୁନୀତ ଏକ ଗୋଲାପି ରଙ୍ଗର ବନାରସୀ ଶାଢୀ ପିନ୍ଧି ଓସ୍କାର ଗ୍ରହଣକରିଥିଲେ । ସମ୍ପୂର୍ଣ୍ଣ ଭାବେ ଭାରତୀୟ ସାଜ୍ଜସଜ୍ଜାରେ ତାଙ୍କୁ ଦେଖିବା ପାଇଁ ମିଳିଥିଲା ।
ପ୍ରଥମେ ଭାରତୀୟ କ୍ଷୁଦ୍ର ଚଳଚ୍ଚିତ୍ର ‘ଏଲିଫ୍ୟାଣ୍ଟ ହୁଇସପରର୍ସ’କୁ ସର୍ଟ ଫିଲ୍ମ ବର୍ଗରେ ଓସ୍କାର ପୁରସ୍କାର ମିଳିଥିଲା । ଜଙ୍ଗଲରେ ଏକ ପରିତ୍ୟକ୍ତ ହାତୀ ଶାବକ ଓ ଏକ ଦମ୍ପତ୍ତିଙ୍କ ମଧ୍ୟରେ ଗଢ଼ି ଉଠିଥିବା ସଂପର୍କକୁ ନେଇ ତାମିଲ ଭାଷାରେ ଏହି ଚଳଚ୍ଚିତ୍ର ନିର୍ମିତ ହୋଇଛି । ୩୯ ମିନିଟର ଏହି କ୍ଷୁଦ୍ର ଚଳଚ୍ଚିତ୍ର ‘ଏଲିଫ୍ୟାଣ୍ଟ ହୁଇସପରର୍ସ’ କୁ ସର୍ଟ ଫିଲ୍ମ ବର୍ଗରେ ଓସ୍କାର ପୁରସ୍କାର ମିଳିଥିଲା। ଏଥିରେ ଭାରତୀୟ ଜଙ୍ଗଲର ମନୋରମ ପରିବେଶ ଓ ପ୍ରାକୃତିକ ସୌନ୍ଦର୍ଯ୍ୟକୁ ସୁନ୍ଦର ଭାବେ ଦର୍ଶଯାଇଛି । ଶ୍ରେଷ୍ଠ ଡକ୍ୟୁମେଣ୍ଟାରି ବର୍ଗରେ ‘ଏଲିଫ୍ୟାଣ୍ଟ ହୁଇସପରର୍ସ’କୁ କ୍ଷୁଦ୍ର ଚଳଚ୍ଚିତ୍ର ପୁରସ୍କାର ମିଳିଛି।