ସୁନ୍ଦରଗଡ଼ ଭୁବନେଶ୍ବର,(ଏନଏନଏସ ଓଡ଼ିଆ /୦୬.୦୩): ସୁନ୍ଦରଗଡ଼ର ଜୀବନରେଖା କୁହାଯାଉଥିବା ଇବ୍ ନଦୀ ଛତିଶଗଡ଼ ଷଡ଼ଯନ୍ତ୍ରର ଶିକାର ହୋଇଥିବା ଦେଖିବାକୁ ମିଳିଛି । କାରଣ ସୁନ୍ଦରଗଡ଼ର ଉପର ମୁଣ୍ଡ ଅର୍ଥାତ ଛତିଶଗଡ ପଟରେ ଉଛୁଳୁଛି ପାଣି। କିନ୍ତୁ, ତଳେ ମାଇଲ ମାଇଲ ବ୍ୟାପି ଧୂଧୂ ବାଲି। କୁହାଯାଉଛି ଓଡ଼ିଶା ସରକାର ଏ ସବୁ ଘଟଣାରେ ଅବଗତ ଥିଲେବି ନିରବ ବସିଛନ୍ତି। ଛତିଶଗଡ଼ ରାଜ୍ୟରୁ ବାହାରିଥିବାରୁ ଇବ୍ ନଦୀ ଉପରେ ଏକଚାଟିଆ ଅଧିକାର ସାବ୍ୟସ୍ତ କରି ଗୋଟିଏ ପରେ ଗୋଟିଏ ବନ୍ଧ ତିଆରି କରି ସମ୍ପୂର୍ଣ୍ଣ ଭାବେ ପାଣିକୁ ଅଟକାଇ ଦେଇଛି ଛତିଶଗଡ଼। ବନ୍ଧ ଉଛୁଳି ଯାହା ପାଣି ଆସୁଥିଲା,ଏବେ ଖରାର ପ୍ରଭାବ ବଢୁଥିବା ଯୋଗୁଁ ସେତକ ବି ଆଉ ଆସୁନାହିଁ। ଯାହା ଫଳରେ ଓଡ଼ିଶାର ଦୁଇ ପ୍ରମୁଖ ଜିଲ୍ଲା ସୁନ୍ଦରଗଡ଼ ଓ ଝାରସୁଗୁଡ଼ାର ୭୦ କିଲୋମିଟର ବ୍ୟାପୀ ଇବ୍ ଏବେ ଜଳଶୂନ୍ୟ। ଫେବ୍ରୁଆରିରେ ନଦୀ ମରୁଭୂମିର ଭ୍ରମ ସୃଷ୍ଟି କରୁଥିବାବେଳେ ଆଗକୁ ଖରାରେ ସ୍ଥିତି ଅଧିକ ଗମ୍ଭୀର ହେବାର ଆଶଙ୍କା ପ୍ରକାଶ ପାଇଥିବାରୁ ଏହିସବୁ ଅଂଚଳ ରେ ଜଳାଭାବ ଅଗକୁଭୟଙ୍କର ପରିସ୍ଥିତି ସୃଷ୍ଟି କରିପାରେ ବୋଲି ଆଶଙ୍କା ପ୍ରକାଶ ପାଇଛି ।
୨୦୦୭ ମସିହା ରୁ ନଦୀକୁ କବ୍ଜା କରିବାରେ ଲାଗିଛନ୍ତି ଛତିଶଗଡ଼ ସରକାର। ଉପରମୁଣ୍ଡରେ ବନ୍ଧ ପରେ ବନ୍ଧ ବାନ୍ଧି ଇବ୍ ପାଣିକୁ ଅଟକାଇ ରଖିବାରେ ଦମ୍ଭ ଦେଖାଇଛନ୍ତି। ୨୦୦୭ରେ ଛତିଶଗଡ଼ ଜଳସମ୍ପଦ ବିଭାଗ କୁନକୁରିଠାରୁ ୩୦ କିଲୋମିଟର ଦୂର ଗୁଲ୍ଲୁଠାରେ ଜଳବିଦ୍ୟୁତ୍ ପ୍ରକଳ୍ପ ନିର୍ମାଣ ଶେଷକରିବା ପରେ ବେନେଠାରେ ଜଳସେଚନ ପ୍ରକଳ୍ପ ଓ ଶେଷକୁ ଓଡ଼ିଶା ସୀମାରୁ ୨୦ କିଲୋମିଟର ଦୂର ସମଡମାଠାରେ ୧୫ କୋଟି ବ୍ୟୟରେ ଏକ ଆନିକଟ ନିର୍ମାଣ କରିଛି। ୩ଟି ପ୍ରକଳ୍ପରେ ଛତିଶଗଡ଼ର ଯଶପୁର ଜିଲ୍ଲାର ବହୁ ଅଞ୍ଚଳ ଶସ୍ୟଶ୍ୟାମଳ ହୋଇଥିବାବେଳେ ଗୁଲ୍ଲୁ ପ୍ରକଳ୍ପରୁ ବିଦ୍ୟୁତ ଉତ୍ପାଦନ କରି ନିଜ ପାରିବାପଣିଆ ଦେଖାଇଛି ପଡ଼ୋଶୀ ଛତିଶଗଡ଼। ହେଲେ ବିଡ଼ମ୍ବନାର ବିଷୟ , ଇବ୍ ଉପରେ ସଂପୂର୍ଣ୍ଣ କବଜା କରିବାଲାଗି ଛତିଶଗଡ଼ର ଏ ଚକ୍ରାନ୍ତ ସମ୍ପର୍କରେ ଜାଣି ମଧ୍ୟ ସାମାନ୍ୟତମ ପ୍ରତିବାଦ ବା ଆପତ୍ତି ଉଠାଇ ନାହାନ୍ତି ରାଜ୍ୟ ସରକାର।
ଏମିତିକି ବାରମ୍ବାର ଛତିଶଗଡ ର ଚାଲବାଜି ଜାଣି ଅସୁଥିଲେବି ଓଡିଶା ସରକାରଙ୍କ ପକ୍ଷରୁ ଓଡ଼ିଶା ପଟ ଇବ ନଦୀରେ ଏଯାଏଁ ଗୋଟିଏ ହେଲେ ବନ୍ଧ ବି ତିଆରି କରାଯାଇନାହିଁ । ବର୍ଷା ଦିନେ ନଦୀରେ ଯାହା ପାଣି ବହି ଆସେ, ସେଥିରେ ସୁନ୍ଦରଗଡ଼ ଜିଲ୍ଲା ୫ ପ୍ରମୁଖ ବ୍ଲକ୍ ବାଲିଶଙ୍କରା, ସବଡ଼େଗା, ସୁନ୍ଦରଗଡ଼, ଟାଙ୍ଗରପାଲି, ଲେଫ୍ରିପଡ଼ା ସମେତ ସୁନ୍ଦରଗଡ଼ ସହର ଓ ଝାରସୁଗୁଡ଼ାବାସୀ ନିର୍ଭର କରନ୍ତି। ହେଲେ ଛତିଶଗଡ଼ ବନ୍ଧ ଏସବୁ ଅଞ୍ଚଳ ପାଇଁ ଚିନ୍ତାର କାରଣ ହୋଇଛି। ସ୍ଥାନୀୟ ବାସିନ୍ଦା ତଥା ବିଧାନ ସଭାରେ ଏ ବିଷୟରେ ବାରମ୍ବାର ଅଭିଯୋଗ ହୋଇ ଅସୁଥିଲେବି ସରକାର ଏଯାଏଁ ଏହାର ସ୍ଥାୟୀ ପ୍ରତିକାର କରିବାରେ ସକ୍ଷମ ହୋଇପାରିନାହାନ୍ତି
ସୁନ୍ଦରଗଡ଼ ଓ ଝାରସୁଗୁଡ଼ାର ୭୦ କିଲୋମିଟର ବ୍ୟାପୀ ଇବ୍ ନଦୀ ଏବେ ଜଳଶୂନ୍ୟ :ପାଣି ଅଟକାଇଛି ଛତିଶଗଡ
Plugin Install : Subscribe Push Notification need OneSignal plugin to be installed.
