ରାୟଗଡା ଜିଲ୍ଲା ପଦ୍ମପୁର ଥାନା ସୁନାରୀଘାଇ ଛକ ଇଣ୍ଡିଆନ୍ ପେଟ୍ରୋଲ ପମ୍ପ ନିକଟରେ ଥିବା ଏକ ମୁଢି ଫ୍ୟାକ୍ଟ୍ରିରେ ନିଆଁ ଲାଗି ସମ୍ପୂର୍ଣ୍ଣ ଜଳି ଯାଇଛି। ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି। ଜୁମୁରୁଗୁଡା ଗ୍ରାମ ର ଯୁଧିଷ୍ଠିର ସାହୁ ମୁଢି ଫ୍ୟାକ୍ଟ୍ରି କରି ପରିବାର ପ୍ରତିପୋଷଣ କରୁଥିଲେ। ଗତକାଲି ମଧ୍ୟାହ୍ନରେ ଗ୍ରାମବାସୀ ମାନେ ନିଆଁ ଲାଗିବା ଦେଖି ଅଗ୍ନିଶମ ବହିନୀକୁ ଜଣେଇଥିଲେ । ଖବର ପାଇ ଅଗ୍ନିଶମ ବିଭାଗ କର୍ମଚାରୀ ମାନେ ଆସି ନିଆଁ କୁ ଆୟତ୍ତ କରିଥିଲେ। ଉକ୍ତ ଅଗ୍ନିକାଣ୍ଡରେ ୯୦ ବସ୍ତା ଧାନ, ଚାଉଳ, ମୁଢ଼ି, ଖଇ ଏବଂ ୩ ଗୋଟି ମୂଲ୍ୟବାନ ମେସିନ ସମ୍ପୂର୍ଣ୍ଣ ଜଳିଯାଇଥିଲା l ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଥିବା ଜଣାପଡିଛି l ତୁରନ୍ତ ପ୍ରଶାସନ ପକ୍ଷରୁ ନଷ୍ଟ ହୋଇଥିବା ଜିନିଷ ଆକଳନ କରି ପରିବାର ଲୋକଙ୍କୁ ଆର୍ଥିକ ସହାୟତା ଯୋଗାଇ ଦେବାକୁ ଦାବୀ ହୋଇଛି ।
ଅଗ୍ନିକାଣ୍ଡରେ ଜଳିଗଲା ମୁଢ଼ି କାରଖାନା
Plugin Install : Subscribe Push Notification need OneSignal plugin to be installed.
