ଭୁବନେଶ୍ବର,(ଏନଏନଏସ ଓଡ଼ିଆ /୨୫.୦୨): ଘରର ମୁଖ୍ୟ ଦ୍ୱାର ସଭିଁଙ୍କ ପାଇଁ ବିଶେଷ ଫଳ ପ୍ରଦାନ କରିଥାଏ। କାରଣ ସେହି ସ୍ଥାନ ଦେଇ ହିଁ ଘର ଭିତରକୁ ସକରାତ୍ମକ ଓ ନକରାତ୍ମକ ଶକ୍ତି ପ୍ରବେଶ କରିଥାଏ। ଘରେ ନକରାତ୍ମକ ଶକ୍ତି ପ୍ରବେଶ କରିବା ଦ୍ୱାରା ବ୍ୟକ୍ତିଙ୍କ ମାନସିକ ଓ ଶାରିରୀକ ସମସ୍ୟା ସୃଷ୍ଟି ହୋଇଥାଏ। ସେହିପରି ସକରାତ୍ମକ ଶକ୍ତି ଦ୍ୱାରା ଘରେ ଶାନ୍ତି ଓ ସୁଖସମୃଦ୍ଧି ପ୍ରବେଶ କରିଥାଏ। ଘରର ମୁଖ୍ୟ ଦ୍ୱାର ସମ୍ମୁଖରେ ପ୍ରଭୁ ଗଣେଶଙ୍କ ମୂର୍ତ୍ତି କିମ୍ବା ଫଟୋ ଲଗାଇବା ପୂର୍ବରୁ ଏହି ଦିଗ ପ୍ରତି ଧ୍ୟାନ ଦିଅନ୍ତୁ ..
ଘରେ ସୁଖସମୃଦ୍ଧିର ବାତାବରଣ ସର୍ବଦା ରହିବା ପାଇଁ ସିନ୍ଦୂର ରଙ୍ଗର ଗଣେଶଙ୍କ ମୂର୍ତ୍ତି ରଖନ୍ତୁ।
ଘରର ମୁଖ୍ୟ ଦ୍ୱାରରେ ପ୍ରଭୁଙ୍କ ଏହି ମୂର୍ତ୍ତି ରଖିବା ଦ୍ୱାରା ମନସ୍କାମନା ପୂରଣ ହୋଇଥାଏ।
ଘରର ମୁଖ୍ୟ ଦ୍ୱାରରେ ପ୍ରଭୁ ଗଣେଶଙ୍କ ଫଟୋ ଲଗାଇଥିଲେ, ଦ୍ୱାରର ପଛପଟେ ସେହି ସ୍ଥାନରେ ପ୍ରଭୁଙ୍କ ପ୍ରତିମା ଲଗାନ୍ତୁ।
ଯେପରି ଦୁଇ ଠାକୁରଙ୍କ ପ୍ରତିମାର ପିଠି ଏକାଠି ହୋଇ ରହିବ।
ଘରେ ଗଣେଶଙ୍କ ମୂର୍ତ୍ତି କିମ୍ବା ଫଟୋ ବସିଥିବା ଅବସ୍ଥାରେ ରହିବା ଉଚିତ। ଏପରି କରିବା ଦ୍ୱାରା ଘରେ ସୁଖ ଓ ସମୃଦ୍ଧି ଆସିଥାଏ।
ମୁଖ୍ୟ ଦ୍ୱାରରେ ସ୍ୱସ୍ତିକ, ଓଁ, ଶ୍ରୀଗଣେଶଙ୍କ ଫଟୋ ଲଗାନ୍ତୁ।
ଘରର ମୁଖ୍ୟ ଦ୍ୱାରକୁ ସଫାସୁତୁରା ରଖନ୍ତୁ।
