ନୂଆଦିଲ୍ଲୀ,(ଏନଏନଏସ ଓଡ଼ିଆ /୨୦.୦୨): ପାକିସ୍ତାନର ଆର୍ଥିକ ସ୍ଥିତି ସଂଗୀନ । ବନ୍ଦ ହୋଇଗଲାଣି ବିଭିନ୍ନ ଫାକ୍ଟ୍ରି । ଦରମା ମିଳୁନଥିବାରୁ କାମକୁ ଯାଉନାହାନ୍ତି କର୍ମଚାରୀ । ଏଥିପାଇଁ ସରକାର, ଅମଲା ଓ ରାଜନେତାମାନେ ଦାୟୀ ବୋଲି ପାକିସ୍ତାନର ଜଣେ ମନ୍ତ୍ରୀ କହିଛନ୍ତି । ପାକିସ୍ତାନ ସମସ୍ୟାର ସମାଧାନ ଆଇଏମଏଫ ବା ଅନ୍ତର୍ଜାତୀୟ ମୁଦ୍ରା ପାଣ୍ଠି ପାଖରେ ନାହିଁ ବୋଲି ସେ କହିଛନ୍ତି । ପାକିସ୍ତାନରେ ଏବେ କ୍ଷୀର ଲିଟର ୨୫୦ ଟଙ୍କା ଓ ଚିକେନ୍ କେଜି ୭୮୦ ଟଙ୍କା । ପେଟ୍ରୋଲ ଲିଟର ୨୭୨କୁ ଡିଜେଲ୍ ୨୮୦ ଟଙ୍କା । ମୁଦ୍ରାସ୍ପୀତି ଚଳିତ ସପ୍ତାହରେ ପ୍ରାୟ ୪୦ ପ୍ରତିଶତକୁ ବଢ଼ିଛି । ୧ ଡଲାରର ବିନିମୟ ମୂଲ୍ୟ ପ୍ରାୟ ୨୬୩ ପାକିସ୍ତାନୀ ଟଙ୍କା ରହିଛି । ଏସବୁ ଭିତରେ ନିଜର ଭାବମୂର୍ତ୍ତି ରକ୍ଷା ପାଇଁ ତୁର୍କୀ ଭୂକମ୍ପ ବିପନ୍ନଙ୍କ ଲାଗି ରିଲିଫ ସାମଗ୍ରୀ ପଠାଇଛି ପାକିସ୍ତାନ । ସେହି ରିଲିଫ୍ ସାମଗ୍ରୀ ଗୁଡ଼ିକ ଗତବର୍ଷ ବନ୍ୟା ବିପତ୍ତି ବେଳେ ତୁର୍କୀ ପାକିସ୍ତାନକୁ ପଠାଇଥିଲା । ଏବେ ପାକିସ୍ତାନ ତାକୁ ଆଉଥରେ ନିଜ ନାଁରେ ପ୍ୟାକିଂ କରି ତୁର୍କୀକୁ ପଠାଇ ଦେଇଛି । ଏହାକୁ ନେଇ ତୁର୍କୀ ସରକାର ସମାଲୋଚନା କରିବା ସହ ପୁଣି ଥରେ ସେହି ରିଲିଫ ସାମଗ୍ରୀକୁ ପାକିସ୍ତାନ ପଠାଇ ଦେଇଛନ୍ତି ।
ପାକିସ୍ତାନର ଆର୍ଥିକ ସ୍ଥିତି ସଂଗୀନ: ବନ୍ଦ ହୋଇଗଲାଣି ବିଭିନ୍ନ ଫାକ୍ଟ୍ରି
Plugin Install : Subscribe Push Notification need OneSignal plugin to be installed.
