ମାର୍ଚ୍ଚ ପହିଲାରୁ ବରିଷ୍ଠ ନାଗରିକଙ୍କୁ ଟିକା ଦିଆଯିବ; ପ୍ରସ୍ତୁତ ଅଛି ବିଏମସି

ଭୁବନେଶ୍ୱର: ମାର୍ଚ୍ଚ ପହିଲାରୁ ବରିଷ୍ଠ ନାଗରିକଙ୍କୁ ଟିକା ଦିଆଯିବ । ୬୦ରୁ ଅଧିକ ଓ ୨୦ପ୍ରକାରର ରୋଗରେ ପୀଡ଼ିତ ୪୫ ବର୍ଷରୁ ଅଧିକ ବୟସ୍କର ଲୋକଙ୍କୁ ମିଳିବ ଟିକା । ୩ଟି ପର୍ଯ୍ୟାୟରେ ହେବ ଟିକାକରଣ । ଭୁବନେଶ୍ବରର ୨୨ଟି ହସ୍ପିଟାଲରେ ହେବ ଟିକାକରଣ । ୧୦ଟି ଘରୋଇ ଓ ୧୨ଟି ସରକାରୀ ମେଡିକାଲରେ ଦିଆଯିବ ଟିକା । ଏନେଇ ପ୍ରସ୍ତୁତ ଅଛି ବିଏମସି । ସରକାରୀ ହସ୍ପିଟାଲରେ ମାଗଣା ଟିକାକରଣ ହେବାକୁ ବ୍ୟବସ୍ଥା ଥିବା ବେଳେ ଘରୋଇ ମେଡିକାଲ ପାଇଁ ଦେବାକୁ ପଡ଼ିବ ଅର୍ଥ । ଘରୋଇ ହସ୍ପିଟାଲରେ ସର୍ଭିସ ଚାର୍ଜ ୧୦୦ ଟଙ୍କା ରଖାଯାଇଥିବା ବେଳେ ଟିକାର ଦାମ୍ ସରକାରଙ୍କ ପକ୍ଷରୁ ନିର୍ଦ୍ଦାରିତ ହେବ । ପ୍ରତ୍ୟେକ ଦିନ ୬୦ ଜଣଙ୍କୁ ଦିଆଯିବ ଟିକା । ଟିକା ନେବାକୁ ଆରୋଗ୍ୟ ସେତୁ ଓ କୋଭିଡ ନ୍ୟୁ ପୋର୍ଟାଲ ୨.୦ରେ ରେଜିଷ୍ଟ୍ରେସନ କରିପାରିବେ । ସୋମବାର କୋଭିଡ ନ୍ୟୁ ପୋର୍ଟାଲ ୨.୦ କାର୍ଯ୍ୟକ୍ଷମ ହେବ । ସେପଟେ ସ୍ବାସ୍ଥ୍ୟ କର୍ମୀ ଓ ସମ୍ମୁଖ ଯୋଦ୍ଧାଙ୍କୁ ଟିକାକରଣ ଜାରି ରହିବ ।