ନୂଆଦିଲ୍ଲୀ,(ଏନଏନଏସ ଓଡ଼ିଆ /୧୮.୦୨): ଭାରତୀୟ କ୍ରିକେଟର ପୃଥ୍ୱୀ ଶ’ଙ୍କ ସହ ମୁମ୍ବାଇର ସାନ୍ତାକ୍ରୁଜ୍ ରାସ୍ତାରେ ଗଣ୍ଡଗୋଳ କରିଥିବା ସନା ଓରଫ୍ ସପନା ଗିଲ୍କୁ ପୋଲିସ ଗିରଫ କରିଛି । ସପନା ସାନ୍ତାକ୍ରୁଜ୍ ସ୍ଥିତ ଏକ ରେଷ୍ଟୁରାଂଟରେ ସାଙ୍ଗମାନଙ୍କ ସହ ପାର୍ଟି କରିବାକୁ ଯାଇଥିଲେ । ସେହି ହୋଟେଲକୁ ପୃଥ୍ୱୀ ଶ’ ନିଜ ସାଙ୍ଗ ମାନଙ୍କ ସହିତ ଡିନର ପାଇଁ ଯାଇଥିଲେ । ଏହି ସମୟରେ ସ୍ୱପ୍ନା ନିଜର ଏକ ସାଙ୍ଗ ସହ ପୃଥ୍ୱୀ ଶ’ଙ୍କ ସହିତ ସେଲ୍ଫôି ନେବାକୁ ଅନୁରୋଧ କରିଥିଲା । ପୃଥିୀ ଶ’ ସପନାଙ୍କ ଅନୁରୋଧ ରକ୍ଷା କରି ତାଙ୍କ ସହ ସେଲ୍ଫି ନେଲେ । ଏହା ପରେବି ସପନାଙ୍କର ସାଙ୍ଗ ମାନେ ପୃଥ୍ୱୀଙ୍କର ଫଟୋ ଓ ଭିଡିଓ ରେକର୍ଡ଼ କରିଚାଲିଥାନ୍ତି । ଶ’ ଏହା ଉପରେ ନିଜର ନାରାଜ ଭାବ ଆଣିଲେ, ଯାହାକୁ ନେଇ ଆରମ୍ଭ ହୋଇଥିଲା ବିବାଦ । କଥା ବଢ଼ିବାରୁ ଶ’ ହୋଟେଲ ମ୍ୟାନେଜରଙ୍କୁ ଡାକିଲେ । ମ୍ୟାନେଜର ସପନା ଓ ତାଙ୍କର ସାଙ୍ଗ ମାନଙ୍କୁ ହୋଟେଲରୁ ବାହାରି ଯିବାକୁ କହିଲେ । କିନ୍ତୁ ପୃଥ୍ୱୀ ଶ’ ଓ ତାଙ୍କ ସାଙ୍ଗ ମାନେ ଯେତେବେଳେ ହୋଟେଲରୁ ବାହାରି ଗାଡିରେ ବସିଲେ ସପନା ଓ ତାଙ୍କ ସାଙ୍ଗମାନେ ଗାଡ଼ିର ପିଛା କଲେ ଓ ବେସ୍ ବଲ୍ ବ୍ୟାଟ୍ରେ ଶ’ଙ୍କ ସାଙ୍ଗ ଗାଡିକୁ ଭଙ୍ଗାରୁଜା କଲେ । ଘଟଣାକୁ ନେଇ ସପନା ଓ ଶ’ଙ୍କ ମଧ୍ୟରେ ହାତାହାତି ହୋଇଥିଲା । ଘଟଣା ସୋସିଆଲ ମିଡିଆରେ ଭାଇରାଲ ହେôଲା । ପୃଥ୍ୱୀ ଶ’ଙ୍କ ସହିତ ଗଣ୍ଡଗୋଳ ଓ ମାଡ଼ପିଟ୍ ଘଟଣାକୁ ନେଇ ପୁଲିସ ସପନାଙ୍କୁ ଗିରଫ କରିଛି । ସପନା ପେଶାରେ ଜଣେ ମଡେଲ, ଅଭିନେତ୍ରୀ, ବ୍ଲଗର ତଥା ୟୁଟୁ୍ୟବର । ସେ ଭୋଜପୁର ସିନେମାର ଜଣେ ଜଣାଶୁଣା ଅଭିନେତ୍ରୀ । ଭୋଜପୁର ସିନେମାର ସୁପରଷ୍ଟାର ରବି କିଶନ, ଦୀନେଶ ଲଶଲ ଯାଦବ ଓ ଆମ୍ରପାଲୀ ଦୁେ;ବଙ୍କ ସହିତ ଫିଲ୍ମରେ କାମ କରିଛନ୍ତି । ସେ କାଶୀ ଅମରନାଥରୁ ନିଜର ଭୋଜପୁରୀ ଫିଲ୍ମ କ୍ୟାରିୟର ଆରମ୍ଭକରିଥିଲେ । ୨୦୨୧ରେ ତାଙ୍କର ଫିଲ୍ମ ମେରା ୱତନ ରିଲିଜ୍ ହୋଇଥିଲା । 
ସବୁବେଳେ ସୋସିଆଲ ମିଡିଆରେ ୍ରଆକ୍ଟିଭ୍ ରହୁଥିବା ସପନା ଚଣ୍ଡିଗଡ଼ରେ ରୁହନ୍ତି । ୧୯୯୧ ମସିହା ସେପ୍ଟେମ୍ବର ୯ ତାରିଖରେ ସପନା ଜନ୍ମ ଗ୍ରହଣ କରିଥିଲେ । ସୋସିଆଲ ମିଡିଆରେ ତାଙ୍କର ଫଲୋର୍ସ ସଂଖ୍ୟା ୨ଲକ୍ଷରୁ ବି ଅଧିକ । ପ୍ରାୟ ସେ ସୋସିଆଲ ମିଡିଆରେ ଡ୍ୟାନ୍ସ ଭିଡିଓ ଶେୟାର କରିଥାନ୍ତି । ସେ ମଲ୍ଟିମିଡିଆ ମେସେଜିଂ ଆପ୍ ସ୍ନାପ୍ ଚାଟ୍, ଭିଡିଓ ଶେୟାରିଂ ଆପ୍ ଜୋଶ ରେ ମଧ୍ୟ ଭିଡିଓ ଶେୟାର କରିଥାନ୍ତି ।
