କେନ୍ଦୁଝର,(ଏନଏନଏସ ଓଡ଼ିଆ /୦୮ .୦୨): ମହୁମାଛି ଆକ୍ରମଣରେ ୧୫ରୁ ଉର୍ଦ୍ଧ୍ବ ଆହତ ଓ ୪ ଗୁରୁତର ହୋଇଛନ୍ତି । ଗୁରୁତରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଆନନ୍ଦପୁର ପୌରାଞ୍ଚଳର ଘସିପୁରା ଝାଡେଶ୍ୱର ମନ୍ଦିର ନିକଟରେ ମହୁମାଛି ଆକ୍ରମଣରେ ୧୫ରୁ ଉର୍ଦ୍ଧ୍ବ ଲୋକ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ଗୁରୁତର ୪ଜଣଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଛି ।
ମନ୍ଦିର ନିକଟ ଏକ ଗଛରେ ମହୁମାଛି ବସା ବାନ୍ଧିଥିବାବେଳେ ଆଜି ସକାଳୁ ଅଚାନକ ମହୁମାଛିମାନେ ବିକ୍ଷିପ୍ତ ହୋଇ ଏଣେତେଣେ ଉଡିବା ସହ ରାସ୍ତାରେ ଯାଉଥିବା ଲୋକଙ୍କୁ ଆକ୍ରମଣ କରିଥିଲେ । କିଛିଲୋକ ସେମାନଙ୍କ କବଳରୁ ନିଜକୁ ବଞ୍ଚାଇ ସାମାନ୍ୟ ଆହତ ହୋଇ ଦୌଡି ପଳାଇଥିଲେ ହେଲେ ୪ଜଣଙ୍କୁ ଅତି ଗୁରୁତର ଅବସ୍ଥାରେ ଲୋକେ ଡାକ୍ତରଖାନାରେ ଭର୍ତ୍ତି କରିଛନ୍ତି ।
