ଭୁବନେଶ୍ବର,(ଏନଏନଏସ ଓଡ଼ିଆ /୦୬ .୦୨): ପିଜୁଳି ଶୀତଦିନ ବଜାରରେ ସବୁଠାରୁ ବିକ୍ରି ହେଉଥିବା ଫଳ। ସେପଟେ ଏହା ଖାଇବାରେ ଯେତିକି ସ୍ୱାଦିଷ୍ଟ, ସେତିକି ହିଁ ଲାଭଦାୟକ ବି ହୋଇଥାଏ। ବହୁତ ଲୋକ ଶୀତ ଋତୁରେ ଖରାରେ ବସି ଏହାକୁ ଖାଇ ଥାଆନ୍ତି। ପିଜୁଳିରେ ଅନେକ ପୋଷକ ତତ୍ତ୍ୱ ମିଳିଥାଏ, ଯାହା ସ୍ୱାସ୍ଥ୍ୟ ଏବଂ ତ୍ୱଚା ପାଇଁ ବହୁତ ଲାଭକାରୀ ହୋଇଥାଏ। ପିଜୁଳି ଭିତରେ ଏହାର ଛୋଟ ଛୋଟ ମଞ୍ଜି ରହିଥାଏ। ଅନେକ ଲୋକ ଅଛନ୍ତି, ଯେଉଁମାନେ ଏହି ମଞ୍ଜିଗୁଡ଼ିକୁ ଖାଇବାକୁ ପସନ୍ଦ କରି ନ ଥାଆନ୍ତି। କିନ୍ତୁ କ’ଣ ଆପଣ ଜାଣିଛନ୍ତି କି, କେବଳ ପିଜୁଳି ହିଁ ନୁହେଁ, ବରଂ ଏହାର ମଞ୍ଜି ମଧ୍ୟ ଆପଣଙ୍କ ପାଇଁ ଅନେକ ଫାଇଦା ଆଣିଥାଏ। ଏମିତିରେ ଆଜି ଆମେ ଆପଣଙ୍କୁ କହିବୁ କି, ପିଜୁଳିର ମଞ୍ଜି ଖାଇବା ଦ୍ୱାରା ଆମ ଶରୀରକୁ କି କି ପ୍ରକାରର ଫାଇଦା ପହଞ୍ଚିଥାଏ। 
ପିଜୁଳି ମଞ୍ଜି ଖାଇବାର ଫାଇଦା
ପାଚନ ତନ୍ତ୍ରକୁ ସୁସ୍ଥ ରଖେ: ପିଜୁଳିର ମଞ୍ଜି ସେବନ କରିବା ଦ୍ୱାରା ପାଚନ ତନ୍ତ୍ର ମଜଭୁତ ହୋଇଥାଏ। ଏହାର ମଞ୍ଜିରେ ଫାଇବର ଅଧିକ ମାତ୍ରାରେ ରହିଥାଏ, ଯାହା ପାଚନ କ୍ରିୟାରେ ସୁଧାର ଆଣିଥାଏ। କେବଳ ଏତିକି ନୁହେଁ, ପିଜୁଳିର ମଞ୍ଜି ଖାଇବା ଦ୍ୱାରା କୋଷ୍ଠକାଠିନ୍ୟ ସମସ୍ୟା ବି ଦୂର ହୋଇଯାଇଥାଏ। ଏଥିପାଇଁ ଶୀତ ଋତୁରେ ପିଜୁଳି ଅଧିକ ମାତ୍ରାରେ ମିଳୁଥିବାରୁ ଏହାକୁ ନିଶ୍ଚୟ ସେବନ କରିବା ଉଚିତ୍।
ଓଜନ ହ୍ରାସ କରେ: ପିଜୁଳି ମଞ୍ଜି ଶରୀରର ଓଜନ କମାଇବାରେ ସାହାଯ୍ୟ କରିଥାଏ। କାହିଁକି ନା, ଏଥିରେ କୋଲେଷ୍ଟ୍ରୋଲର ମାତ୍ରା ଜମାରୁ ବି ନ ଥାଏ। ଏହାର ମଞ୍ଜିରେ ଫାଇବରର ମାତ୍ରା ବହୁତ ଅଧିକ ଥାଏ। ସେପଟେ ପିଜୁଳି ମଞ୍ଜି ସେବନ କରିବା ଦ୍ୱାରା ପେଟ ଭରି ରହିଥିବାର ଅନୁଭବ ହୋଇଥାଏ, ଯାହାଫଳରେ ଅଧିକ ସମୟ ଯାଏ ଭୋକ ହୋଇ ନ ଥାଏ। ଏଥିପାଇଁ ଯଦି ଆପଣ ଓଜନ ହ୍ରାସ କରିବାକୁ ଚାହୁଁଛନ୍ତି, ତା’ ହେଲେ ପିଜୁଳିର ମଞ୍ଜି ସେବନ କରନ୍ତୁ।
ଡାଇବେଟିସ୍ରେ ଲାଭଦାୟକ: ଡାଇବେଟିସ୍ ରୋଗୀଙ୍କ ପାଇଁ ପିଜୁଳିର ମଞ୍ଜି ଲାଭଦାୟକ ହୋଇଥାଏ। ଏଥିରେ ପ୍ରୋଟିନ୍ର ମାତ୍ରା ଅଧିକ ରହିଥାଏ, ଯାହା ସୁଗାର ଏବଂ ସୁଗାର କମ୍ପାଉଣ୍ଡ୍କୁ ଭାଙ୍ଗିବାରେ ସାହାଯ୍ୟ କରିଥାଏ। ଏଥିପାଇଁ ପିଜୁଳି ସେବନ କରିବା ଦ୍ୱାରା ଡାଇବେଟିସ୍ର ବିପଦ କମି ଯାଇଥାଏ।
