ବନ୍ଦ ହୋଇଯିବ ଲୋକପ୍ରିୟ ଟିଭି ଶୋ’ ‘କଫି ୱିଥ କରନ୍’। ଆଉ ପରଦାରେ ଦେଖିବାକୁ ମିଳିବ ନାହିଁ ଏହି କାର୍ଯ୍ୟକ୍ରମ । ସେଲେବ୍ରିଟିଙ୍କ ସିକ୍ରେଟ୍ ମଧ୍ୟ ହୋଇପାରିନି ରିଭିଲ୍। କରଣଙ୍କ ବିଦାୟ ପରେ ବଲିଉଡ କଳାକାରଙ୍କ ଗୋପନ କଥା ଉପରୁ ଆଉ ଉଠିପାରିବନି ପରଦା। ବଲିଉଡ ନିର୍ଦ୍ଦେଶକ-ପ୍ରଯୋଜକ ତଥା ଶୋର ହୋଷ୍ଟ୍ କରନ୍ ଜୋହର କରିଛନ୍ତି ଏହି ବଡ଼ ଘୋଷଣା। କରନ୍ ଙ୍କ ଏହି ଘୋଷଣା ପରେ ତାଙ୍କ ପ୍ରଶଂସକଙ୍କମାନେ ନିରାଶ ହୋଇଯାଇଛନ୍ତି |
କରନ୍ ନିଜ ଇନ୍ଷ୍ଟାଗ୍ରାମ ଓ ଟ୍ୱିଟ୍ରରେ ପୋଷ୍ଟ ଜରିଆରେ ଏହି ସୂଚନା ଦେଇଛନ୍ତି। ସେ ଦୁଃଖର ସହ ଏହି ସେଲେବ୍ରିଟି ଟକ୍ ଶୋ’ ଆଉ ଟିଭି ପରଦାକୁ ଆସିବ ନାହିଁ ବୋଲି କହିଛନ୍ତି। ସେ ଲେଖିଛନ୍ତି “ହ୍ୟାଲୋ, କଫି ୱିଥ୍ କରନ କାର୍ଯ୍ୟକ୍ରମ ମୋ ଜୀବନରେ ଓ ଆପଣଙ୍କ ଜୀବନରେ ଗତ ୬ ସିଜନ ହେଲା ଏକ ଅଙ୍ଗ ହୋଇ ଆସିଛି। ମୁଁ ଭାବୁଛି ଏହି ସୋ’ କିଛି ପ୍ରଭାବ ପକାଇଛି ଏବଂ ପପ୍ ସଂସ୍କୃତି ଇତିହାସରେ ଏକ ସ୍ଥାନ ସୃଷ୍ଟି କରିପାରିଛି। କିନ୍ତୁ ଏବେ ଦୁଃଖର ସହ ଘୋଷଣା କରିବାକୁ ପଡୁଛି ଯେ କଫି ୱିଥ୍ କରନ କାର୍ଯ୍ୟକ୍ରମ ଆଉ ଟିଭି ପରଦାକୁ ଆଉ ଫେରିବ ନାହିଁ।
ସୂଚନା ଥାଉକି କିଛି ସପ୍ତାହ ତଳେ ‘କଫି ୱିଥ୍ କରନ’ କାର୍ଯ୍ୟକ୍ରମ ପୁଣିଥରେ ଆରମ୍ଭ ହେବ ବୋଲି ଏକ ଏଣ୍ଟରଟେନ୍ମେଣ୍ଟ ସାଇଟ୍ରେ ଖବର ପ୍ରକାଶ ପାଇଥିଲା। କରନ ଏଥିପାଇଁ ଶୁଟିଂ ଆରମ୍ଭ କରିଦେଇଛନ୍ତି ବୋଲି ମଧ୍ୟ କୁହାଯାଇଥିଲା। ହେଲେ ଏବେ କରନଙ୍କର ଏହି ଘୋଷଣା ଫ୍ୟାନ୍ଙ୍କୁ ନିରାଶ କରିବ।
