ବଲିଉଡ ଅଭିନେତା ଅଜୟ ଦେବଗନ, ଶାହାରୁଖ ଖାନ ଏବଂ ଅକ୍ଷୟ କୁମାର ପାନ ମସଲାର ବିଜ୍ଞାପନ କରି ବିବାଦରେ ପଡିଯାଇଥିଲେ | ନିକଟରେ ବଲିଉଡ ଅଭିନେତା ଅକ୍ଷୟ କୁମାରଙ୍କ ଭିମଲ ଇଲାଇଚି ବିଜ୍ଞାପନ କରି ପ୍ରଶଂସକଙ୍କ କ୍ରୋଧର ଶିକାର ହୋଇଥିଲେ | ଏଥିପାଇଁ ତାଙ୍କୁ ବିଜ୍ଞାପନରୁ ହଟିବା ସହ ପ୍ରଶଂସକଙ୍କୁ କ୍ଷମା ମଧ୍ୟ ମାଗିବାକୁ ପଡିଥିଲା | ଏବେ ଏକ ପାନ୍ ମସଲା ବ୍ରାଣ୍ଡ ପାଇଁ କେଜିଏଫ୍ -୨ ମେଗାଷ୍ଟାର ୟଶଙ୍କ ନିକଟକୁ ଅଫର ଆସିଛି। ହେଲେ ଏହି ବିଜ୍ଞାପନକୁ ନେଇ ୟଶ ବଡ ନିଷ୍ପତ୍ତି ନେଇଛନ୍ତି। ତମାଖୁ ବିଜ୍ଞାପନ କରିବାକୁ ମନା କଲେ କେଜିଏଫ୍ ଷ୍ଟାର୍ ୟସ |
କୋଟିଏ ଟଙ୍କାର ପାନ ମସଲା ବ୍ରାଣ୍ଡ ବିଜ୍ଞାପନକୁ ଏଡ଼ାଇଲେ କନ୍ନଡ ଅଭିନେତା ୟସ | ସେ କୌଣସି ଖରାପ ଜିନିଷକୁ ପ୍ରୋତ୍ସାହନ ଦେବେନି ବୋଲି ସମ୍ପୂର୍ଣ୍ଣ ଭାବେ ମନା କରି ଦେଇଛନ୍ତି। ପାନ୍ ମସାଲା ବ୍ରାଣ୍ଡ ସହିତ ଜଡିତ ନହେବା ପାଇଁ KGF 2 ଷ୍ଟାର୍ ୟଶଙ୍କ ନିଷ୍ପତ୍ତିକୁ ଲୋକମାନେ ପ୍ରଶଂସା କରିଛନ୍ତି। ୟଶଙ୍କ ଏଣ୍ଡୋର୍ସମେଣ୍ଟ ଡିଲ୍ ପରିଚାଳନା କରୁଥିବା କମ୍ପାନୀ ଏକ୍ସସାଇଜ୍ ଏଣ୍ଟରଟେନମେଣ୍ଟ ଦ୍ୱାରା ଏହି ସୂଚନା ଦିଆଯାଇଛି | ନିକଟରେ ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ନିକଟକୁ ବି ବି ଏପରି ବିଜ୍ଞାପନ ଅଫର ଆସିଥିଲା ସେ ମଧ୍ୟ ପ୍ରତ୍ୟାଖାନ କରିଥିଲେ ।
