ଜଣେ ବିଧବା ନିରାଶ୍ରୟ ମହିଳାଙ୍କ ଉପରେ ଲୋଲୁପ ଦୃଷ୍ଟି ପକାଇଲେ ଯୁବକ | ମହିଳା ଜଣକ ଏକୁଟିଆ ଥିବାର ସୁଯୋଗ ନେଇ ଘରେ ପଶି ଦୁଷ୍କର୍ମ କରିଥିଲେ ଅଭିଯୁକ୍ତ | ଏଭଳି ଅଭିଯୋଗ ଆସିଛି ଯାଜପୁର ଜିଲ୍ଲା ସୁକିନ୍ଦା ଥାନା ଅନ୍ତର୍ଗତ ମଙ୍ଗଳପୁର ଅଞ୍ଚଳରେ | ଏହି ଘଟଣାରେ ସୁକିନ୍ଦା ଥାନା ପୋଲିସ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି |
ଅଭିଯୋଗ ଅନୁଯାୟୀ, ସୁକିନ୍ଦା ଥାନା ଅନ୍ତର୍ଗତ ମଙ୍ଗଳପୁର ଅଞ୍ଚଳର ଜଣେ ନିରାଶ୍ରୟ ମହିଳାଙ୍କ ସ୍ୱାମୀଙ୍କ ମୃତ୍ୟୁ ପରେ ସେ ଘରେ ଏକୁଟିଆ ରହୁଥିଲେ | ଏହାର ସୁଯୋଗ ନେଇ ରବିବାର ରାତିରେ ମଙ୍ଗଳପୁର ଅଞ୍ଚଳର ବିଜୟ ମହାନ୍ତ ମହିଳାଙ୍କ ଘରେ ପଶି ଜୋରଜବରଦସ୍ତ ତାଙ୍କୁ ଦୁଷ୍କର୍ମ କରିଥିଲା । ଏ ନେଇ ପୀଡିତା ମହିଳା ସୁକିନ୍ଦା ଥାନାରେ ସୋମବାର ଦିନ ଏକ ଲିଖିତ ଅଭିଯୋଗ କରିଥିଲେ । ସୁକିନ୍ଦା ପୋଲିସ ଏକ ମାମଲା ରୁଜୁ କରି ମଙ୍ଗଳବାର ପିଡିତାଙ୍କ ଡାକ୍ତରୀମାଇନା କରାଯାଇଥିଲା | ଏହି ଘଟଣାରେ ଅଭିଯୁକ୍ତ ବିଜୟ ମହାନ୍ତଙ୍କୁ ସୁକିନ୍ଦା ପୋଲିସ ଆଜି ଗିରଫ କରି ସୁକିନ୍ଦା ବିଚାର ବିଭାଗୀୟ ଅଦାଲତକୁ ପଠେଇ ଦେଇଥିବା ସୂଚନା ମିଳିଛି ।
