ଏକ୍ସପ୍ରେସ ଟ୍ରେନରେ ବୋମା ଆତଙ୍କ । ଭୁବନେଶ୍ୱର-ମୁମ୍ବାଇ କୋଣାର୍କ ଏକ୍ସପ୍ରେସରେ ବୋମା ଥିବା ସୂଚନା ମିଳିଛି । ଟ୍ରେନରେ ବୋମା ଥିବା ଖବର ମିଳିବା ପରେ ଯାଞ୍ଚ ଆରମ୍ଭ କରିଛି ବମ୍ ସ୍କ୍ୱାର୍ଡ । ସିକନ୍ଦରାବାଦ ନିକଟ ଚର୍ଲାପଲ୍ଲୀ ଷ୍ଟେସନରେ ଟ୍ରେନକୁ ଅଟକାଇ ଯାତ୍ରୀଙ୍କୁ ଓହ୍ଲାଇ ଦିଆଯାଇଛି। ଯାତ୍ରୀମାନଙ୍କୁ ଟ୍ରେନ ଠାରୁ ବହୁ ଦୁରକୁ ଚାଲିଯିବାକୁ କୁହାଯାଇଛି | ଏହାପରେ ଟ୍ରେନରେ ତଲାସୀ ଆରମ୍ଭ କରିଛନ୍ତି ସ୍କ୍ୱାର୍ଡ ସଦସ୍ୟ । ଟ୍ରେନରେ ବୋମା ଥିବା ଜାଣିବା ପରେ ଭୟଭୀତ ହୋଇପଡିଛନ୍ତି ଯାତ୍ରୀମାନେ | ତେବେ କାହାର କିଛି କ୍ଷୟକ୍ଷତି ହୋଇ ନ ଥିବା ଜଣାଯାଇଛି।
ଭୁବନେଶ୍ୱର-ମୁମ୍ବାଇ କୋଣାର୍କ ଏକ୍ସପ୍ରେସରେ ବୋମା ଥିବା ନେଇ ପୋଲିସକୁ ଏକ ଅଜଣା ଫୋନ ନମ୍ବରରୁ କଲ ଆସିଥିଲା | ତେବେ କିଏ କରିଥିଲା, ସତରେ ଟ୍ରେନରେ ବୋମା ଅଛି ନା ନାହିଁ , କିଏ ଟ୍ରେନ ଭିତରେ ବମ ରଖିଲା ତାହା ଏପର୍ଯ୍ୟନ୍ତ ଜଣାପଡି ନାହିଁ | ଯେଉଁ ଅଜଣା ନମ୍ବରରୁ କଲ୍ ଆସିଥିଲା ସେହି ନମ୍ବର ଟ୍ରାକ କରି ଅଧିକ ତଦନ୍ତ କରୁଛି ରେଲଓ୍ୱେ ପୋଲିସ ।
