ମିଳୁନି କାମ ଧନ୍ଦା | ଅଧିକ ଟଙ୍କା ରୋଜଗାର କରିବା ଆଶାରେ ବାହାର ରାଜ୍ୟ ମୁହାଁ ହେଉଛନ୍ତି ଯୁବକ ଯୁବତୀ | ତେବେ ଏହାର ଫାଇଦା ନେଉଛନ୍ତି ଦଲାଲ | ଦଲାଲମାନେ ବିଭିର୍ନ ପ୍ରଲୋଭନ ଦେଇ ଯୁବତୀଙ୍କୁ କରୁଛନ୍ତି ଚାଲାଣ | ତେବେ ଆଜି ଯୁବତୀ ଚାଲାଣ କରିବା ଦଲାଲଙ୍କୁ ପଡିଛି ମହଙ୍ଗା | ଯୁବତୀଙ୍କୁ ଚାଲାଣ କରିବା ବେଳେ ଧରାପଡିଗଲେ ଦଲାଲ | ସ୍ଥାନୀୟ ଲୋକେ ଜଣେ ବ୍ୟକ୍ତି ଓ ମହିଳା ଦଲାଲଙ୍କୁ କାବୁ କରି ଛେଚି ଦେଇଗଲେ | ଗାଁ ଲୋକଙ୍କ ଆକ୍ରମଣରେ ସମ୍ପୃକ୍ତ ଦୁଇ ଦଲାଲ ଗୁରୁତର ଆହତ ହୋଇଛନ୍ତି | କିଛି ଲୋକ ସେମାନଙ୍କୁ ଉଦ୍ଧାର କରି ମେଡିକାଲରେ ଭର୍ତି କରିଛନ୍ତି | ଆଜି ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ସୁକିନ୍ଦା ଅଂଚଳରେ |
ଅଧିକ ଟଙ୍କା ରୋଜଗାର କରିବାର ପ୍ରଲୋଭନ ଦେଇ ବାହାର ରାଜ୍ୟକୁ କାମ କରିବାକୁ ଯିବାକୁ ଯାଜପୁର ଅଂଚଳର ଯୁବତୀ ଓ ମହିଳାଙ୍କୁ ରାଜି କରାଉଥିଲେ | ରାଜସ୍ଥାନ ବାସିନ୍ଦା କୈଳାଶ ମୀନା ସୁକିନ୍ଦା ଅଂଚଳର ଜାମୁପଶି ଗ୍ରାମର ଜୈନିକ ଯୁବତୀଙ୍କ ସହ ମିଶି ବାହାର ରାଜ୍ୟକୁ ଯୁବତୀ ଚାଲାଣ କରୁଥିଲେ | ଶୁକ୍ରବାର ଭୋର ସମୟରେ ସୁକିନ୍ଦା ଥାନା ଅନ୍ତର୍ଗତ ଜାମୁପଶି ଗ୍ରାମରୁ କିଛି ମହିଳାଙ୍କୁ ବାହାର ରାଜ୍ୟକୁ ନେବା ପାଇଁ ଯୋଜନା କରୁଥିବା ବେଳେ ଦଲାଲ ଦୁଇ ଜଣ ଗ୍ରାମବାସୀଙ୍କ ହାବୁଡ଼ରେ ପଡି ଯାଇଥିଲେ | ସେମାନେ ଖସି ପଳାଇବାକୁ ଚେଷ୍ଟା କଲା ବେଳେ ସ୍ଥାନୀୟ ଲୋକେ ତାଙ୍କୁ ଗୋଡେଇ ଗୋଡ଼ାଇ ସୁକିନ୍ଦା ମୁଖ୍ୟ ରାଜପଥରୁ ଧରି ମାରପିଟ କରିଥିଲେ | ଗ୍ରାମବାସୀଙ୍କ ଆକ୍ରମଣରେ ଦଲାଲ ଦୁଇ ଜଣ ଗୁରୁତର ଆହାତ ହୋଇଛନ୍ତି | ସ୍ଥାନୀୟ ଲୋକ ସେମାନଙ୍କୁ ସୁକିନ୍ଦା ସୁକିନ୍ଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ଚିକିତ୍ସା କରେଇଥିବା ଦେଖିବାକୁ ମିଳିଛି |
