ପୋଲିସକୁ ଚକମା ଦେବାକୁ ଅଭିନବ ଉପାୟରେ ହେଉଛି ଗଞ୍ଜେଇ ଚାଲାଣ | ଟ୍ରକରେ ତେନ୍ତୁଳି ଅଖା ଭିତରେ ଗଞ୍ଜେଇ ଭର୍ତି କରି ହେଉଥିଲା ଚାଲାଣ | ହେଲେ ଗଞ୍ଜେଇ ମାଫିଆ ଡାଳେ ଡାଳେ ଗଲେ ପୋଲିସ ପତ୍ରେ ପତ୍ରେ ଯିବା ଘଟଣା ଦେଖିବାକୁ ମିଳିଛି ମାଲକାନଗିରିରେ | ମାଲକାନଗିରି ଏସଡିପିଓ ଶୁଭେନ୍ଦୁ ପାତ୍ରଙ୍କ ନେତୃତ୍ୱରେ ଏକ ଟିମ ଚଢ଼ାଉ କରି ୧୫ କୁଇଣ୍ଟାଲ ୩୧ କେଜି ଗଞ୍ଜେଇ ଜବତ କରିଛି | ଗଞ୍ଜେଇ ଚୋରା ଚାଲାଣ ଅଭିଯୋଗରେ ଟ୍ରକ ଡ୍ରାଇଭର ଓ ଗଞ୍ଜେଇ ମାଫିଆ ପ୍ରଥମ ପାତ୍ରକୁ ଗିରଫ କରିଛି | ଜବତ ଗଞ୍ଜେଇ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ପୋଲିସ କହିଛି |
ସୂଚନା ଥାଉକି, ଏକ ୧୪ ଚାକିଆ ଟ୍ରକରେ ତେନ୍ତୁଳି ଅଖା ଲୋଡ଼ କରାଯାଇଥିଲା | ପୋଲିସର ସନ୍ଦେହ ନହେବା ପାଇଁ ତେନ୍ତୁଳି ଅଖା ଭିତରେ ଗଞ୍ଜେଇ ରଖାଯାଇ ଆନ୍ଧ୍ରକୁ ଚାଲାଣ କରାଯାଉଥିଲା | କୌଣସି ସୂତ୍ରରୁ ମାଲକାନଗିରି ଜିଲ୍ଲା ପୋଲିସ ସୂଚନା ପାଇଁ ଟ୍ରକ ଉପରେ ଚାଦହୁ କରିଥିଲା |
